Ministru Asuntu Parlamentár no Komunikasaun Sosiál Interinu, Mericio Juvinal dos Reis ‘Akara’ hatete, bainhira enkontru regular ho Primeiru-Ministru, Taur Matan Ruak hetan orientasaun atubele hala’o kooperasaun servisu di’ak ho PN.
“Señór Primeiru Ministru, orienta ha'u hanesan Ministru Interinu MAPKomS nia, atu ba Parlamentu hodi kordena servisu didi’ak ho ita-nia Parlamentu Nasionál, para kooperasaun entre Parlamentu Nasionál ho Governu bele di'ak liután, programa lei sira ne'ebé mak Governu propoin ba PN, bele hetan atensaun”, dehan Sekretáriu Estadu Komunikasaun Sosiál, Mericio Juvinal dos Reis ‘Akara’, iha Rezidénsia Ofisiál PM, Farol, segunda (23/05).
Tanba ne’e, sei la'o tuir orientasaun ne'ebé PM fó nune'e servisu entre Governu ho PN bele la'o di'ak liután.
“Orintasaun ne'ebé iha, ita sei hala'o, ne'ebé ha'u hakarak dehan, depois de ida ne'e ha'u sei ba PN, sei iha komunikasaun ho ita-nia prezidente PN, para bele suporta malu di'ak liután ba serbisu hirak ne'e”, afirma nia. (*)