Login to your account

Username *
Password *
Remember Me

UNPFA Halo Konsultasaun Rejionál iha Baukau

Partisipante husi Administradór Munísipiu Vikeke, Lautém, Manatutu no Baukau ho UNPFA  foto hamutuk iha salaun apuramentu Baukau, segunda (23/05). Partisipante husi Administradór Munísipiu Vikeke, Lautém, Manatutu no Baukau ho UNPFA foto hamutuk iha salaun apuramentu Baukau, segunda (23/05). Foto Tomas Freitas

Tempotimor (Baukau)-United Nation Population Foud Asia (UNPFA) halo konsultasaun rejionál iha Munísipiu Baukau.

"Objetivu prinsipál husi atividade ida ne'e, atu hatene oinsá ita iha polítika, iha planu ne'ebé di'ak ba kresimentu ekonómia, entaun hakarak hatene mós rekomendasaun husi ita nia Munísipiu sira, tanba dala barak sira mak implementa atividade sira hanesan ekonómia, edukasaun governasaun sira ne'e, atu rona tán husi sira saída mak ita presiza halo, ita mós hakarak rona rekomendasaun nune'e bele ba tau iha relatóriu finál," dehan Consultant UNPFA Egídio da Costa, iha salaun apuramentu Baukau, segunda (23/05).

Bainhira hetan ona relatóriu finál kada Munisípiu, UNFPA ho Diresaun Jeral Estatístika Timor-Lete sei entrega ba United Nations Economic and Social Commision for Asia and the Pacific (UN-ESCAP) iha Tailand hodi kria nolis produc atu rekomenda hikas ba Governu Timor-Leste.

Husi konsultasaun rejionál ne'e, prioridade ba setór-5 hanesan, demográfiku, edukasaun, ekonómia, saúde inklui governasaun.

"Intensaun ne'e fó ba Governu, karik halo desizaun ruma, halo lei ruma, polítika ruma bele prefere ba konsultasaun sira ne'e," nia hatete

Diretór jerál estatístika, Elias dos Santos Ferreira, hatete, iha konsultasaun rejionál ne'e, parte diresaun servisu rejiaun um, aprezenta dadus demográfiku liga ho ekonómia, saúde, edukasaun, boa governasaun no bem estar moris nian.

"Dadus ne'e diresaun estatístika foti husi SENSUS peskiza ekomónia hodi ami kompilla hamutuk aprezenta ba autoridade sira, tanba to'o ikus sira mak uza dadus ne'e, planu ba dezenvolvimentu iha ida-idak nia Munísipiu," nia hatete

Alende ne’e, iha fulan-2 liu ba, liuhusi enkotru virtual, servisu estatístika aprezenta dadus edukasaun demográfiku TL nian ba UN-ESCAP hodi fahe ba nasaun sira iha asean, tanba liuhusi edukasaun mak bele muda atetude ema nian.

"Ha'u enkoraja ba autoridade lokál sira para uza dadus ne'e halo planu, tanba ita tinan-ida ne'e sei hala'o preparasaun ba orsamentu ba 2023 bele minimiza problema sira ne'ebé mak iha," nia enkoraja

Enkuatu, partisipa diresaun servisu estatístika, husi Munísipiu Vikeke, Maria Pasquela Fernandes Campos, hatete, konsultasaun rejionál ne'e, importante tebes, tanba atu halo kompillasaun ba dadus ba dezenvolvimentu husi Suku ba Munísipiu.

"Ami nia dadus preparadu, nia dasar mak ami mai tuir ida ne'e," nia informa

Entretantu, konsultasaun rejionál ne'e, partisipa husi Administradór Munísipiu Lautém, Vikeke, Manatutu no Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter