“Efeitu husi COVID-19 durante 2021 nian, parlamentu nasionál apenas realiza enkontru rua iha estranjeiru, mak Viena ho Roman”, dehan nia hafoin aprezenta relatóriu konta jerál Parlamentu Nasionál tinan 2021 iha plenária PN, tersa (03/05).
Alokasaun orsamentu ba parlamentu nasionál hodi viajen ba estranjeiru ne'e tama iha rubrika deslokasaun estranjeiru, ho kategória bens servisu, ne'ebé mak despeza gastu ne'e atinje $97.853 husi totál $ 98.700 ka reprezenta taxa ezekuzaun pursentu 11.
Totál ezekusaun despeza ho kategória bens servisu iha tinan 2021, atinje de'it millaun $4,151.246 husi taxa ezekusaun pursentu 76. Tanba iha alokasaun bens servisu iha rubrika tolu ne'ebé aprezenta valór ezekusaun menus liu hanesan rubrika deslokasaun ba estranjeiru, pagamentu kouta, no formasaun ho sesaun traballu.
Ba pagamentu kuota ne'e atu destina hodi asegura pagamentu kuota ba membru organizasaun internasionál sira nomós hodi selu partisipasaun iha enkontru internasionál ne'e konsege gasta rihun $16.614, husi $171,782 ka reprezenta taxa ezekuzun pursentu 10.
Aleinde haree fali ba rubrika formasaun sira no sesaun traballu, atinje de'it pursentu 65 husi rihun $272.131, tanba iha rubrika ida ne'e, unidade orsamentál sira balun la akonsege ezekuta sira-nia osan.
Unidade sira ne'ebé la la ezekuta sira-nia orsamentu mak unidade Parlamentu Nasionál, Komisaun B, E, G no diresaun komunikasaun. (*)