“Timoroan ne’ebé dadaun ne’e hasoru difikuldade iha Portugal, Governu agora buka tuir hela, na’in hira ami mós la hatene númeru sira ba ne’e, no ita-nia Embaixada iha Portugál mós agora fó asisténsia balu iha ne’ebá”, informa Ministra Adaljiza Magno, iha Palásiu Governu, kuarta (04/05).

Nune'e husu ba timoroan sira ne’ebé hakarak ba servisu iha Inglarreta no Irlándia tenke trata dokumentu kompletu mak ba, nune’e labele hasoru difikuldade iha dalan klaran.

Tanba Timoroan barak mak sai vítima ba viajen nian iha Portugál ho dokomentu sira la kompletu.

“Husu ba ba timoroan sira ne’ebé atu ba servisu iha ra-liur ho privadu, antes atu aranka tenke haree didi’ak no tenke iha ona dokumentu no hetan ona servisu mak ba, nune’e labele hasoru difikuldade iha dalan klaran”, aviza nia. (*)