“Priméiru Ministru (PM) hatete presiza enkoraja sidadaun hotu partisipa iha dezemvolvimentu nasaun. Tamba ne'e, Kolaborasaun tenke metin hodi kombate Hoax ka lia falsu liliu tane a'as informasaun kredível iha era dizitalizasaun”, dehan SEKOMS, Mericio Juvinal ‘Akara’, iha Salaun Konferénsia SEKOMS Dili, foin lalais ne’e.
Tanba Sidadaun iha direitu atu hatene informasaun kedivel, labele husik ema aproveita espasu atu lansa informasaun hoax (falsa). Nune’e Governu iha dever atu proteje nia sidadaun, Tanba ne’e programa ‘Meet The Press’ Jornalista aproveita husu informasaun direita ho los tanba populasaun presiza informasaun Kredível, Edukativu bele Inspira.
Ministru Koordenadór Asuntu Ekonomiku (MKAE), Joaquim Amaral hatete, informasaun kredivel iha públiku kona-ba situasaun ekonomia rai laran nian.
“Saída mak Governu halo iha situasaun ekonomia hasoru difikuldade no PIP monu antes Covid-19 tama. Desde tinan 2017, kresimentu ekolójia tun ba 3.1. tinan 2019 sa’e ba + 2.1. Enkuantu tinan 2020, tun fali -8. Sitasaun ida ne'e, Governu tenke foti medida grastiku hodi sai husi situasaun ida ne'e”, informa nia.
Limitasaun ne'e, funsiona iha Ekonomia situasaun finál iha Tinan 2020 ne'ebé kresimentu PIP kontrasaun 00 min 8. Entaun tinan 2020, medida lubuk Governu prepara iha faze emerjénsia ho apoiu Parlamentu Nasionál (PN) sensibiliza Governu hetan aprovasaun ba Funndu Covid-19. Nune'e, Governu iha kbi'it jere situasaun sanitária fó mitiga kma’an ba situasaun ekonomia.
“Inisiativa Governu ho Prezidente Repúblika (PR) hari'i komisaun indepedente kria planu estudu ba kooperativa ekonómia no prepara dokumentu ne'ebé Governu adopta hanesan dokumentu politika VIII Governu Konstituisionál lidera husi Priméiru Ministru. Planu rekoperasaun define iha faze kurtu emérjensia, médiu no longu prazu”, esplika nia.
Medida haat, ida mak medida tulun família sira iha situasaun difísil hanesan família ho agrikultór atu asesu ba sesta bázika, medida seluk mak tulun empreza sira iha posibilidade, tulun mós setór informál nune'e bele hetan protesaun. Ho medida sira ne’e, responsabilidade Ministériu Kórdenasaun Asuntu Ekonomiku (MKAE).
Sekretáriu Estadu Juventude no Desportu (SEJD), Abrão Saldanha ‘Nokosiku’, hato’o atinjimentu sekrétariadu nian, depois simu mandatu hanesan membru Governu ho Vizaun Juventude Foinsa'e Milineal nia forsa kreativa no potensialidade joven fó solusaun ba problema nasaun.
“Situasaun demográfika ita iha idade 35 mai kraik ne'e por volta 65% husi poulasaun jerál maioria juventude iha forsa bele muda situasaun iha raí doben Timor-Leste. Vizaun ne'e, bele dezenvolve expansaun sentru juventude inklui assesmen ba sentru juventude hamutuk sanulu-resin-haat iha Timor laran”, esplika nia.
Iha tinan 2021, SEJD ajuda organizasaun hamutuk ruanulu-resin-rua inklui sentru juventude sira no espalla informasaun ba joven sira iha munisípiu, formasaun edukasaun sivika atu joven no komunidade iha kompeténsia, mehi ba sira-nia an iha tempu Covid-19.
Ba área juventude nian SEJD realiza festival joven kriadór sira, joven iha potensialidade presiza explora no fó espasu ba munisípiu tolu mak Ainaro, Likisá no Baukau. Partisipantes kuaze atustolu joven kriadór sira ne'ebé iha kriatividade oioin kontribui ba ekonomia.
“Iha ambitu ekonomia rejilente intruduz programa emprendedorizmu sosiál ba joven sira iha suku, konsege dudu joven sira iha suku hanoin oportunidade vida, la’ós iha eskritóriu maibé kampu SEJD konsege apoiu kreativu grupu sira iha área agrikultór, peska, turizmu kuidadu ambientál no negósiu de Vida. Grupu hamutuk atustolu-limanulu-resin-ualu ba suku atusrua-ualunulu-resin-rua ne'ebé atinje kuaze atuslima benifisiáriu joven sira ne’ebé mak direitamente asesu ba Fundu ida ne’e”, informa nia.
Iha área desportu ho vizaun desportu insosiedade no kapasitasaun, presiza halo diagnostika katak investimentu hahú iha baze, tinan kotuk konsege formadór arbitu modera atletizmu ho Volly iha munisípiu hitu, kada postu administrativu ema na’in-lima. SEJD istimula atividade komunidade tinan kotuk konsege realiza jogu Komunitáriu iha Timor Laran.
“Área Alta kompetisaun, Organizasoens Ambrela, Konféderasaun Desportiva Timor-Leste (CDTL) no Komité Olimpiku (CO) kontinua atividade Dezemvolvimentu Liga Futeboll transisionál iha Epoka Amadora, tinan ne’e tama ba Semi Profesionál. Dadaun ne'e, SEJD prepara atleta ho ofisiál hamutuk limanulu-resin-haat atu partisipa iha Asean Games”, informa nia.
Servisu Komplikadu mak Arte Marsiál, tanba reativa ona, sira rejistu hotu iha tinan hira liuba mak IKS, KORK no PSHT, enkuantu PSHT ho KORK hetan ona sertifikat rejistu ofisialmente legal ona iha Timor, no IKS kompleta ona rekezitu fulan ida ne'e, Diresaun Notariádu bele públika ona sira-nia sertidaun. (*)
