“Estudante universitáriu 8.000 ne'e la'ós kasar maibé fixu, ami foti tiha ona tanba ami hatene hela, ne'e universidade iha Timor laran, barak la vota, antes ne'e ami fó sai tiha ona, antes de eleisaun iha semana ida nia laran, 5 dias sei chek naran laiha katak naran laiha ne'e bele ba ona Munisípiu”, dehan nia ba jornalista sira iha Gedung Matahari Terbit (GMT), Díli, sábadu (19/03).

Estudante 8.000 resin ne'ebé mak laiha dokumentu no deklarasaun sira labele garante atu eleisaun tanba naran iha lista Sekretariadu Tékniku Administrasaun Eleitorál (STAE) laiha ne'e labele ona tuir eleisaun prezidensiál.

“Maibé estudante ne'ebé rejista iha Munisípiu Díli atu vota iha sentru votasaun paralelu, Eskola Lahane ne'e hamutuk 300-resin, no filozofia Fatumeta ne'e mós hanesan, ne'e mós lubuk ida, universidade Katólika ida foin hari’i ne'e mós ita rekolla númeru ne'ebé boot, ha'u labele fó sai dokumentu ne'e tama, tanba sira koloka tuir Munisípiu ona, entaun ha'u bele dehan estudante ne'ebé rejista ita bele dehan 800-resin, tanba númeru boot ne'ebé rejista mak Fatumeta ho Estudantil-Escola Superior de Tecnologia de Saúde Lahane tuir fali mak SENOFA”, akresenta nia.

Problema ne'ebé hasoru to'o estudante rihun-ualu-resin la tuir votasaun iha eleisaun prezidensiál ne'e mak, estudante sira prense hotu tiha formulariu maibé instituisaun la fasilita deklarasaun, balun fasilita nune'e submete ba kampus sentrál, maibé sira la submete ba STAE no ikus mai naran labele tama ba sistema.

“La'ós ba estudante mais ba traballadór, negosiante sira, ita konsege rejistu maibé barak la submete dokumentu ba STAE, ema ne'ebé mak la konsege vota, universidade sira de'it mai bele dehan rihun-ualu (8.000) la konsege vota tanba saida dokumentu ne'ebé mak sira submete ona mai sira-nia kampus induk, la lori submete ba STAE Munisípiu Dili nian entaun ami labele rekolla sira tomak, la'ós sira de'it”, afirma nia.

Universidade Nasionál Timor Lorosa'e (UNTL) ne'ebé mak hatama dokumentu estudante sira-nia ho númeru boot mak Estudantil-Escola Superior de Tecnologia de Saúde ho totál estudante 300-resin maibé testu ne'e laiha, nune'e iha Universidade Díli kuaze ema na'in-sanulu de'it mak hatama lista estudante ba STAE.

Ba situasaun ne’e, rekoñese, eleisaun ida sentru votasaun Paralelu ne'e konsidera faze pílotu, nune'e tenke hasoru problema sira ne'e hodi nune'e ba oin atu hadi’a di'ak liután ida ne'e.

“Ezemplu ohin ne'e ami haruka ema fila bele kuaze rihun-resin, karik mosu to'o segundu ronde mós ami labele rejistu ona, kuandu akontese fali iha tinan oin mak foin rejitu fali”, deklara nia.

Votante ne’ebé rejistadu atu tuir votasaun iha sentru Paralelu Sentrál iha GMT ho totál votante hamutuk 671. (*)