“Husu mós ba militante no apoiante sira hosi kandidatu PR, katak, bainhira ho motorizada ba partisipa iha kampaña eleitorál tenke respeita nafatin ba lei kódigu estrada, hodi nune’e bele evita dezastre ba ida-idak nia-an”, dehan Komadante Polísia Nasionál Timor-Leste (PNTL), Munisípiu Dili, Superintendente Xefe Henrique da Costa, iha komandu Munisípiu Dili, Kaikoli, kuarta (16/03).
Tanba ne'e, kontinua apela ba motorista sira, bainhira halo viajen iha ambitu kampaña ne'e tenke atensaun ba kondisaun motorizada nian, nomós prepara dokumentu liliu uza mós kapasete.
“Apoiante sira presiza kooperasaun di'ak nafatin ho PNTL, katak nafatin uza kapasete bainhira lori motorizada tuir kampaña eleitorál ida ne'e, nune'e bele asegura nafatin vida bainhira iha dezastre ruma”, hatete nia.
Tanba asidente ne'ebé akontese iha semana dahuluk nia to’o mai agora iha kampaña eleitorál ne'e maioria sidadun sira la uza kapasete. (*)