“Bom, ida ne'e, ha'u hanoin ke to'o tempu ita-boot sei hatene, ne'e la'ós asuntu ida ke ami sei subar, klaru ke tomada de pose nia prosesu ida sei naruk, e kuandu to'o ita-boot sira sei hatene, informasaun sei partilla ho ita-boot sira”, dehan Taur hafoin hasoru malu ho PR Lú Olo iha Palasíu Prezidensiál Bairupite, kinta (17/03)

Ezonerasaun ba membru Governu iha ona lista, wainhira toma posse sei hatene membru Governu na'in hira mak remodela.

"Em prinsipiu na'in-4 ida hanesan ne'e karik, mais ha'u seidauk definitivamente, kuandu  toma posse ita-boot sira sei hatene ona na'in hira", deklara Taur.

Maibe seidauk deklara membru Governu ne'ebe hetan remodelasaun mai husi Partidu ne'ebe, bainhira to'o tempu sei deklara sai ba publiku.   

“Husi partidu ne'ebé, orsida kuandu toma de posse ita-boot sira sei hatene, em prinsípiu agora seidauk, hanesan ha'u-nia informasaun ita-boot sira sei hatene informasaun premenores kuandu to'o tempu”, informa Taur.

Antes ne'e, Vise Prezidente Partidu Congresso Nacional de Reconstrução de Timor (CNRT), Gil da Costa Monteiro ‘Oan Soru’ hatete, nia parte agradese ba desizaun Primeiru Ministru (PM), Taur Matan Ruak, hodi ezonera nia husi membru Governu daualu.

“Primeiru hakarak agradese ba Xefe Governu ne'ebe laran luak hodi ejonera hau, agradese ba ida ne'e”, hatete nia iha kampaña eleitorál kandidatu José Ramos Horta iha Munisípiu Likisá, segunda (14/03). (*)