“Apelu ba juventude timoroan tomak atu hatete ba ema hotu vota ida ne'e, vota ba justisa, hodi harahun sistema kapitalizmu ne'ebé mak pertense iha ita-nia Estadu ida ne'e, atu hatuur filafali demokrásia popular”, hatete nia hafoin hala'o kampaña eleitorál ba kandidatura Lere Anan Timur iha munisípiu Dili, kuarta (16/03).
Ba apoiu ne'e, Brigada Lere Anan Timur fó ba Jenerál Lere, ne'e sei la dúvida no sein kestiona tanba kandidatura Jenerál Lere Anan Timur iha kapasidade no iha responsabilidade boot ba povu no Estadu ne'ebé mak hatudu ona iha tinan 24.
Tanba, funu naruk ne'ebé mak Timor-Leste enfrenta, Jenerál Lere Anan Timur hatudu ona ninia kontribuisaun luta ba libertasaun patria, no ukun-an tiha mós nia sei kontinua lidera instituisaun F-FDTL ho kapasidsde tomak hodi garantia estabilidade iha rai laran.
Durante independénsia, demokrasia iha Timor-Leste fó benifisiu liubá ukun na’in sira de'it, lakon justisa ba povu Timor-Leste, tanba ne'e husu atu vota ba Lere Anan Timur hodi bele sei salva Estadu ida ne'e. (*)
