Login to your account

Username *
Password *
Remember Me

KI Atribui Kartaun Kredensiál Vota Movel ba Jornalista Na’in-251

Prezidente Interinu Konsellu Interinu, Expeditu Diaz Ximenes, tara hela kartaun Kredensiál ba jornalistra, iha Salaun Konferénsia KI, Kintal Boot, sesta (11/03). Prezidente Interinu Konsellu Interinu, Expeditu Diaz Ximenes, tara hela kartaun Kredensiál ba jornalistra, iha Salaun Konferénsia KI, Kintal Boot, sesta (11/03). Foto Tempo Timor

Tempotimor (Dili)-Konsellu Imprensa (KI) Timor-Leste atribui kartaun kredensial vota movel ba jornalista hamutuk na’in-251 ne’ebé hala’o kna’ar iha mídia nasionál no Internasionál hamutuk 20-resin.

“Konsellu Imprensa nafatin sai parseiru ba mídia sira hotu liliu situasaun ne’ebé presiza ita-nia apoiu iha dia 11 to’o dia 19 kona-ba ita-nia konsentrasaun ba oinsá mak kobertura ne’ebé mak di’ak”, dehan Prezidente Interinu Konsellu Interinu, Expeditu Diaz Ximenes, iha Salaun Konferénsia KI, Kintal Boot, sesta (11/03).

Tanba iha sentidu rua mak tenke garante produtu jornalista nian katak garante respeita kódiku étika husi jornalista ninian, no kobertura tenke di’ak nune’e audiénsia no rona na’in sira akompaña informasaun ne’ebé mak saudável katak kandidatu sira ko’alia lamerese audénsia sira atu rona.

“Hanesan mídia ita ba kobertura iha fatin ne’ebé de’it no ba kobertura ho se de’it ita nafatin iha responsabilidade ba ita-nia komunidade no nasaun. Responsabilidade ne’e mai husi ne’ebé atu hakruuk ba etika jornalismo nian”, hatete nia.

Ho ida ne’e, KI fahe kartaun kredensiál movel oferese ba jornalista ne’ebé mak halo kobertura iha munisípiu sira atu vota iha fatin ne’ebé de’it maibé ho komprimisiu katak vota dala ida ho sinseridade.

Diretór Ezekutiku KI, Rigoberto Monteiro hatete, atu hetan karta kredensiál presiza iha karteira estajiu profisionál, tanba númeru ida ne’e mak presiza, jornalista tenke mai husi mídia profisionál ne’ebé rejistu ona iha Konsellu Imprensa no ikus liu priense rekezitu husi Sekretariadu Tékniku Administrasaun Eleitorál (STAE) nian mak foto, formuláriu no deklarasaun kompromisiu nian.

Ba verifikasaun profisionál jornalizmu lista hala’o husi konsellu imprensa, tanba iha obrigasaun fasilita jornalista sira atu STAE labele prejudika jornalista sira iha prosesu eleisaun ninian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter