Iha oráriu kampaña ba kandidatura ne'e hala'o iha jináziu Vila Nova postu Baukau Vila, iha oras 10:00 to'o oras 18:00, maibé felizmente ekipa supervizaun no Polísia Nasionál Timor-Leste (PNTL) hein kandidatura refere, maibé kandidatura ho númeru sorteiu 3 ne'e la mosu no ikus mai mosu fali iha Buruma.
Relasiona ho aktu ne'e, husi parte seguransa konfirma ho Diretór Komisaun Nasionál Eleisaun (CNE) Munisípiu Baukau, Esmeraldo Damião Belo, maibé nia parte deklara oráriu ba kampaña refere la'ós kansela husi CNE.
"Ha'u-nia ofisiál supervizaun sira, prezensa ona iha ne'ebá (fatin kampaña iha Ginaziu), ne'ebé ita hein to'ok," dehan Esmeraldo iha knaar fatin Vila Nova, Kinta (03/03).
Hafoin hafoin rona tiha esplikasaun husi diretór CNE ne'e ekipa supervizaun no parte seguransa kontinua hein, maibé to'o oras meudia kandidatura refere la mosu iha fatin kampaña.
Maibé iha parte loraik www.tempotimor.com simu informasaun husi fontes ne'ebé lakohi temi naran katak, kandidatura Maria Ângela Freitas da Silva realiza fali kampaña iha suku Buruma, área Dokobere ne'ebé hahú pur-volta tuku 10:30.
"Ha'u halai sa'e atu ba merkadu, ema barak loos iha fatin Dokobere (Buruma) ne'e, ha'u hanoin Polísia mak ka'er ema, tanba ema sira iha ne'ebá ha'u lakoñese, maibé ha'u haree númeru três hakerek fali iha faru mutin nia kotuk ho kor mean," dehan fontes ne'e.(*)