“Simulasaun ne'e hanesan preparasaun ida ba atividades ne'ebé PNTL halo oinsá atu asegura kampaña eleisaun ne'ebé mai, objetivu prinsipál ida mak oinsá atu haree formasaun forsas iha terrenu oinsá ninia komunikasaun la'o to’o iha ne'ebé, apoiu nesessidade institutuisaun nia ba membru sira oinsá atu asegura kampaña eleitorál ne'e la'ó di'ak no seguru, ida ne'e mak nia objetivu prinsipál”, dehan Komadante Jerál PNTL, Faustino da Costa, hafoin Partisipa simulasaun iha Tasitolu, sesta (25/02).
Husi atividade hirak ne'e, dala ida tan katak prontidaun PNTL oras ne'e iha faze ida ne'ebé kuandu tama iha situasaun loiál, bele hala’o atividade ne'e ho di'ak liután.
“Nune'e iha simulasaun hirak ne'e ita uza duni, sasán balun, ba ekipamentu seguransa nia hanesan ita-boot sira akompaña, komesa husi sasán protesaun pesoál ninia ate ekipamentu nesessidade sira ne'ebé sira sei uza duni iha tempu situasaun, real ruma, maibé ita lakohi buat sira ne'e sei mosu, katak ne'e preparasaun ida no senáriu ida que PNTL, balun uza di'ak, no balun presiza komandu sei haree”, esplika nia.
Tanba iha orientasaun ne'ebé komandu fó sai ona ne'e mak, atribui komandu Munisípiu sira atu responsabiliza oinsá asegura atividade hothotu liliu kampaña no eleisaun Prezidensiál.
“Agora iha komandu Munisípiu ita iha eskalaun de uzu de forsas ate a nasionál por ezemplu ita iha Polisiamentu komunitária, ita-nia membru patrolla baibain e depois kuandu iha situasaun balun ne'ebé presiza tan ba ita-nia militante no apoiante ba kandidatu sira ne’e, ita sei asegura, karik oinsá, mak ita uza tan forsa rezerva ne'ebé mak iha munisípiu sira, bainhira kuandu ida ne'e nesesita katak tenke uza liután ida ne'e, ida ne'e bele dehan pasu ida ba oin, pasu ida tuir mai mak ita sei uza unidade sira ne'ebé destaka iha Munisípiu”, hatete nia.
Maibé husu ba komunidade sira atu labele pániku ho senariu PNTL nia, tanba senariu ne'e nia laiha risku ba komunidade sira, klaru iha mínimu risku mak iha tanba dalaruma nia lian boot halo komunidade sira pániku no trauma, maibé ne'e laiha efeitu seluk. (*)
