Ikan Lanu Mate Leonel iha Parlamentu, na'in-lima Seluk baixa iha Ospitál

Portavóz Komando jerál PNTL, Superintendente Xefi, Arnaldo de Araújo atualiza hela informasaun seguransa rai laran nian ba jornalísta sira liuhusi konferénsia imprénsa ne'ebé realiza ohin iha Kaikoli, kinta (14/01). Portavóz Komando jerál PNTL, Superintendente Xefi, Arnaldo de Araújo atualiza hela informasaun seguransa rai laran nian ba jornalísta sira liuhusi konferénsia imprénsa ne'ebé realiza ohin iha Kaikoli, kinta (14/01). Foto Tempo Timor

Tempotimor (Dili)- Iha tersa (12/01) akontese insidente ikan lanu-mate labarik mane ida naran Leonel Fernandes ho idade tinan 9 no na-in 5 seluk baixa ona iha Ospitál, iha Suku Parlamentu, Postu Administrativu Lautem Villa, munisípiu Lautém.

"Ida fali ikan lanu ema mate iha Lautém, iha 12 janeiru 2021 oras tuku 13 meodia, akontese ikan lanu ema ne'e iha suku Parlamentu, ema ida mate ne'e ho naran Leonel Fernandes, tinan 9 sira na'in-lima (5) seluk konsege lori ba Ospitál.

Portavóz Komando jerál PNTL, Superintendente Xefi, Arnaldo de Araújo hatete, ikan lanu mate labarik mane ne'e ho nia kolega nain lima selum ne'ebé baixa iha Ospitál, hafoin konsumu ikan ne'ebé sira kaer husi tasi iha área suku Parlamentu nian," Portavós Komandu jerál PNTL, Superintendente Xefe, Arnaldo de Araújo liuhusi konferénsia imprénsa ne'ebé realiza iha Kaikoli, kinta (14/01).

"Sira konsumu ikan ne'ebé maka dala-ruma iha ona venenu ruma iha laran no ida la konsege lori ba ospitál, mate, na'in- lima agora daudaun halo hela tratamentu iha Ospitál", nia katak.

Ho situasaun ne'e, nia lori naran instituisaun PNTL nian, husu ba komunidade sira atu bainhira konsumu ikan, tenke ho kuidadu tanba oras ne'e TL tama ona ba tempu udan, bele afeta buat barak iha ne'ebá, tanba ne'e atu konsumu ikan ho kuidadu.

Entretantu, liuhusi via-telefónika, Komandante PNTL munisípiu Lautém, Superintendente Polísia, António do Rego Fernandes informa, hafoin akontesimentu labarik mane nain tolu mak baixa iha Ospitál Lautém no na'in-rua seluk konsege transporta hodi ba halo tratamentu Saúde iha Ospitál referal Baukau.

"Maibé sira-nia kondisaun oras ne'e di'ak hotu ona, rekupera ona no sira idak-idak fila ona ba uma", informa nia.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks