KKU Moris Foun halibur Osan Kuaze Rihun $20 Kada Tinan

Vise Prezidente Kooperativa Kreditu Uniaun Moris Foun, Florençio Baptista koalia ba jornalísta sira hafoin hetan vizita kortezia husi Sekretáriu Estadu Kooperativa (SEKoop), Elizário Ferreira iha Postu Administrativu Iliomar, Munisípiu Lautém, tersa (19/01). Vise Prezidente Kooperativa Kreditu Uniaun Moris Foun, Florençio Baptista koalia ba jornalísta sira hafoin hetan vizita kortezia husi Sekretáriu Estadu Kooperativa (SEKoop), Elizário Ferreira iha Postu Administrativu Iliomar, Munisípiu Lautém, tersa (19/01).

Tempotimor (Iliomar)- Kooperativa Kréditu Uniaun (KKU) Moris Foun kada tinan halibur osan rihun $20

Kooperativa ne'e harii dezde tinan 2003 ho membru inisiál iha de'it ema na'in sanulu-resin-neen (16) ho kapitál iha deit dóllar atus-lima ($400), tanba ema ida hatama de'it dóllar rua-nulu-resin-lima ($25).

Hafoin liutiha tinan balu, membru balu husi kooperativa ne'e deside rezigna aan, tanba hakarak harii rasik sira-nia kooperativa ketak, maibé membru tuan sira seluk iha kooperativa kréditu Uniaun Moris Foun kontinua eziste to'o ohin loron no dadaun ne'e sira akomoda membru hamutuk 400 resin, maibé kada tinan halibur valór osan husi membru sira kuaze rihun $20.

Vise Prezidente Kooperativa Kréditu Uniaun Moris Foun, Florênçio Baptista hatete, atividade ne'ebé durante membru sira halo iha kooperativa ne'e maka fó kréditu ba ema.

Nia dehan, sira labele halo tán atividade seluk, tanba problema ida maka membru no dirijente ne'ebé eziste, maioria mak funsionáriu públiku hanesan profesór, funsionáriu husi saúde, edukasaun inklui agrikultura nian maka sira halibur malu hodi harii kooperativa ne'e to'o ohin loron.

“Tinan-tinan iha kresimentu kasar de'it, ami seidauk menus husi ida ba administrasaun nian ba selu staff ne'e aserka $16 to'o $20 itál mill kada tinan, ida ne'e kasar," Vise Prezidente Kooperativa Kréditu Uniaun Moris-Foun, Florênçio Baptista ba jornalista sira iha Iliomar, tersa (19/01).

Nia esplika, prosesu atu fó kréditu ba membru sira maka, primeiru sai uluk hanesan membru, hafoin sira haree fulan-tolu, fó uluk empresta provizóriu (pinjaman percobaan), ne'ebé labele boot liu ninia saldo ne'ebé tau hamutuk ona, depois ida-ne'e sira bele fó valór kréditu sa'e uitoan.

Nia hatutan, jurus ne'ebé fó ba membru sira empresta, mínimu pursentu rua (2%) no daudaun ne'e sira iha funsionáriu hamutuk ema na'in-tolu, iha rua mak hetan saláriu kada fulan ho valór $130 dóllar, no ida seluk hetan $160 dóllar.

“Ida-ne'ebé agora ne'e ami fó $100 dóllar to'o $7.500 dóllar ho membru sira-ne'ebé ninia saldo simpanan ne'e $300 mill dóllar ona, maibé tenke garantia buat ruma, aserta ruma zemplu karreta ka motorizada ka uma ka ninia jaminan ne'e tenke klaru no ema ruma ne'ebé tenke mai asina deklarasaun, ka halo deklarasaun para atu nune'e karik hanesan iha fallansu ruma ka mate karik, destinu ita labele determina”, nia esplika.

Entretantu, kooperativa kreditu Uniaun Moris Foun lokaliza iha Suku Ai-Liabere, Postu Administrativu Iliomar, Munisípiu Lautém.(*)

Rate this item
(0 votes)
Last modified on Wednesday, 20 January 2021 11:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks