Tempotimor (Dili)-Sentru Integradu Jestaun ba Krize (SIJK) iha loron, sesta (07/05) konsege rejistu kazu rekuperadu Covid-19 hamutuk 147 no kazu foun 95 iha munisípiu Dili.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, hatete husi totál kazu detetadu foun iha mane 57, feto 38 ho idade tinan 12 na'in-6, ho idade entre tinan 12-59 na'in-86 (95,2%) no idade 60 na'in-3.

Husi, proporsaun kazu sintomátiku hamutuk 11,5%. Proporsaun kazu sintomátiku durante loron 7 nia laran, aumenta husi média 8,8% iha semana 2 liu bá, ba média 15,1% ohin.                   

Nune'e, kazu konfirmadu kumulativu iha loron 7 fulan-maiu tinan 2021 (sura husi 21 Marsu 2020) 2965.

"Kazu rekuperadu 147, kazu foun 95 iha munisípiu Dili, kazu ativu 1365”, dehan Rui liuhusi komunikandu imprensa, sesta (07/05).

Rezultadu durante loron rua nia laran, Laboratóriu Nasionál Saúde (LNS) halo 847 testes PCRiha Dili, hodeta lladu hanesan, vijilánsia sentinela 30, Rastreiu ba kontaktu (Contact tracing) 50, rastreiu aleatoriu (Random Screening) 585, viajen sai husi serka sanitária Munisípiu Dili 157, viajen internasionál 13, Follow up iha kuarentina 11.   

Totál testes PCR ne’ebé halo iha loron 6 fulan-maiu iha Munisipiu sira seluk hamutuk 416, ho detalla hanesan, Ermera 80, Maliana 17, Maubisse 155, RAEOA 44, Suai 49 no Vikeke 71. (*)

Tempotimor (Dili)-Sentru Integradu Jestaun ba Krize (SIJK) iha loron 05 fulan-maiu tinan 2021, rejistu tan kazu pozitivu covid-19 foun hamutuk 133, maioria iha iha munisípiu Dili.

Tempotimor (Dili)-Sentru Integradu Jestaun ba Krize (SIJK) iha loron 04 fulan-maiu fó sai katak Timor-Leste rejistu ona kazu pozitivu covid-19 foun na'in-129,  ne’ebé mai husu munisípiu Dili 102, munisípiu seluk 27. 

Haree ba kazu pozitivu sira ne’e mak kazu ativu iha hela izolamentu hamutuk 1315, no totál kazu konfirmadu kumulativu iha loron 4 fulan-maiu tinan 2021 (sura husi 21 marsu 2020) hamutuk na'in-2653.

“Kazu detetadu foun na'in-129, husi munisípiu Dili 102 munisípiu seluk 29, mane 89 no  feto 40, iha kazu rekuperadu na'in-69 no kazu ativu 1315”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, tersa (04/05).

Rezultadu husi totál kazu detetadu foun 56 (43,3%) halo teste ho razaun atu halo viajen ba munisípiu ka estranjeiru hafoin deteta pozetivu.

Durante loron rua nia laran hahú husi loron 4 fulan-maiu hamutuk hotu Laboratórium Nasionál Saúde (LNS) halo 105 testes PCR iha Dili ho detallu hanesan, vijilánsia sentinela 62, rastreiu ba kontaktu (Contact tracing) 104, rastreiu aleatoriu (Random Screening) 348, viajen sai husi serka sanitária Munisípiu Dili 422, viajen internasionál 39 no Follow up iha kuarentena 30.

Totál testes PCR ne’ebé halo iha loron 3 fulan-maiu iha Munisípiu sira seluk hamutuk 464, ho detalla mak hanesan  Baukau 163, Ermera 53, Maubisse 133 RAEOA 11, Suai 62 no Vikeke 42.

Teste follow up ba sira iha fatin izolamentu 94 (70 negativu ona, 24 sei nafatin pozitivu). (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, relasiona ho festa no halibur malu la'ós kompetensia Sentru Integradu Jestaun Krize (SIJK) nian maibé ne'e Kompetensia Polísia Nasionál Timor-Leste (PNTL) atu halo atuasaun.

Tamba SIJK la'ós autoridade polísia, maibé SIJK nia papel ne'e atu koordena hodi fó apoiu no fó informasaun.

"Se ha'u haree jornalista na'in-2 halibur malu iha ne'e, ha'u hanesan Kordenador Forsa-Tarefa ba Prevensaun no Mitigasaun Surtu Covid-19 nian, ha'u só bele hatete ba sira la bele halibur malu, maibé kona-ba baku no duni sai sira ne'e ha'u la iha kompetensia, PNTL mak iha kompetensia”, reafirma Rui iha CCD, tersa (04/05).

Maibé, liga ho sansaun ba ema ne'ebé halibur malu iha sesta bázika no kontra serka sanitária ne'e mós la'ós kompetensia SIJK, maibé PNTL mak iha responsabilidade.(*)

Tempotimor (Dili)-Sentru Integradu Jestaun ba Krize (SIJK) rejistu kazu rekoperadu durante oras 24 nia laran, iha loron 03 fulan-maiu tinan 2021 hamutuk 82, no kazu pozitivu Covid-19 foun 80.

Haree ba kazu foun pozitivu covid-19 na'in-80 ne'ebé kompostu husi munisípiu Dili 75, munisípiu seluk 5, no totál kazu konfirmadu kumulativu iha loron 03 fulan-maiu tinan 2021 (sura husi 21 Marsu 2020) hamutuk na'in-2524.

“Kazu detetadu foun na'in-80, husi munisípiu Dili 75, munisípiu seluk 5, mane 40, feto 40, kazu rekuperadu na'in-82, kazu ativu 1255”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikandu imprensa, segunda  (03/05).

Husi totál kazu detetadu foun ho idade tinan 12 na'in-1, ho idade entre tinan 12-59 na'in-78 (97,5%) no idade 60 na'in-1.           

Rezultadu husi totál kazu detetadu foun 38 (47,5%) tanba halo teste ho razaun atu halo viajen ba munisípiu ka estranjeiru hafoin deteta pozitivu.

Durante loron rua nia laran, Laboratórium Nasionál Saúde (LNS) halo 468 testes PCR iha Dili ho detalladu hanesan, vijilánsia sentinela 7, rastreiu ba kontaktu (Contact tracing) 142, rastreiu aleatoriu (Random Screening) 109, viajen sai husi serka sanitária Munisípiu Dili 191, viajen internasionál 7 no Follow up iha kuarentena 12. 

Totál testes PCR ne’ebé halo iha loron 3 fulan-maiu iha Munisípiu sira seluk hamutuk 256, ho  detalladu  hanesan, Baukau 136, Maubisse 99, Suai 13 no Vikeke 8.

Aliede ne’e informasaun husi izolamentu iha loron 3 fulan-maiu tinan 2021 halo tratamentu ba kazu detetadu na'in-23, iha área obstrisia na'in-5, sirurjia 1, medisina interna na'in-13 pediatria na'in-5

“Sira na'in-5 iha obsterisia, kategória moderadu hotu, sira-nia kondisaun estável, sira na'in-14 iha medisina interna 4 grave (uza hotu oksijéniu) na'in-9 moderadu”, informa nia.

Maibé, kazu 5 pediatria, 4 moderadu, 1 grave, na'in-1 grave uza CPAP no 4 moderadu la uza ona oxijéniu. (*)

Tempotimor (Dili) - Sentru Integradu Jestaun ba Krize (SIKK) iha loron sesta (19/03) rejista kazu foun hamutuk 23, no totál kazu iha Timor-Leste sa’e ba 138.

Tempotimor (Dili) Durante fulan tolu hahú husi fulan-janeiru to'o marsu tinan 2021, ekipa médiku sira husi Ministériu Saúde (MS) halo ona teste polymerase chain reaction (PCR) ba timoroan hamutuk 16.959 iha territóriu laran.