Pasiénte pozetivu iha munisípiu Dili husi loron 7 fulan-marsu tinan 2021 to’o loron 19 fulan-marsu tinan 2021 hamutuk hotu 117 iha Dili, Baukau 8, Vikeke 3, rekoperadu 4, kazu foun 23.
Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Aráujo hatete, kazu na’in-23, iha mane na’in-8, feto na’in-15, idade entre tinan 10-14 ema 3, idade entre tinan 18-60 nian 20, Sintomátiku 1, asintomátiku 22.
"Husi horiseik mai ohin hamutuk hotu halo 543 ezame laboratóriu”, dehan liuhusi zoom conferência, sesta(19/03)
Evolusaun surtu covid-19 iha munisipiu Dili, husi kazu na’in 22 iha Munisípiu Dili, mak kazu pozitivu 3, kontaktu ho profisionál saúde husi cluster Aldeia 05 ho cluster Aldeia São Miguel, Suku Comoro ne’ebé servisu iha HNGV, unidade hemodiálize.
Husi kazu pozitivu 5, kontaktu-besik ho profisionál saúde ida iha cluster EMONC (Emergency Obstetrics and Neonatal Care).
Kazu pozitivu 7, kontaktu-besik ho Kazu konfirmadu ida iha BTN III, Aldeia Terra Santa, Suku Madohi, Postu Administrativu Dom Aleixo.
Iha kazu pozitivu 6, kontaktu-besik ho kazu ida iha cluster Aldeia Maucocomate, Suco Becora, Posto Administrativo Cristo Rei.
Nune’e kazu pizitivu 1, kontaktu-besik ho kazu konfirmadu ida iha cluster HNGV, hela iha Aldeia Auhun, Suku Becora, Posto Administrativu Cristo Rei.
"Ho nune’e, kazu detetadu ka pozitivu iha Munisípiu Dili husi loron 7 de Marsu 2021, to’o ohin, 19 de Marsu de 2021, hamutuk hotu 117", informa nia. (*)