Tempotimor (Dili)-Maske Timor-Leste livre husi Corona Virus Deasses 2019 (Covid-19) maibé Polisia Nasionál Timor-Leste (PNTL) sei la husik livre fronteira rai-maran entre Timor-Leste ho Indonezia.
Tempotimor (Dili)- Relasiona ho situasaun polítika iha rai laran Sentru Integradu Jestaun Krize (SIJK) hala'o servisu atu kombate surtu Corona Vírus Desiase 2019 (Covid-19) la iha polítika partidu nian tama.
Tempotimor (Dili) - Tuir dadus atuál ne'ebé husi Sentru Integradu ba Jestaun Krize (SIJK) pasiente Coronavirus Disease 2019 (Covid-19) iha sala izolamentu hela na'in rua ho karga baixa.
Tempotimor (Dili)-Bankada Kmanek Haburas Unidade Nasionál Timor Oan (KHUNTO) propoin atu hatama fila fali osan rihun $500 ne’ebé aloka ba PN ba kofre estadu, ho razaun Prezidente PN Arão Noe paraliza tiha ona funsionamentu PN.
Tempotimor (Dili) - Durante implementasaun Estadu Emerjénsia relasiona ho Coronavirus Disease 2019 (Covid-19) situasaun iha merkadu la'o normál.
Tempotimor (Dili)-Sentru Integradu ba Jestaun Krize (SIJK) informa, munisipiu Likisa livre porsentu 100 husi transmisaun Corona Virus Deasses 2019 (Covid-19).
Tempotimor (Dili)-Bazeia ba dadus atualizasaun husi Sala Situasaun Sentru Integradu ba Jestaun Krize (SS-SIJK) katak, dadus ba infesaun corona vírus deasses 2019 (Covid-19) iha Timor-Leste númeru pozitivu la aumenta no kontinua reduz.
Tempotimor (Dili)-Organizasaun Nasaun Unidus (ONU) prontu apoiu aviaun ba Timor-Leste hodi tula sasan no pasajeirus relasiona ho surtu Corona Virus Deasses 2019 (Covid-19).
Ministru Transporte no Komunikasaun (MTK) José Agostinho da Silva informa, nia akompaña Primeiru Ministru Taur Matan Ruak hodi halo enkontru ho reprezentante ONU hodi koalia kona-ba apoiu ne’ebé ONU sei oferese ba TL.
VIDEO PUBLISIDADE APELU HUSI PM TAUR APLAUS BA FRONT LINE
"Ha’u mai akompaña Primeiru Ministru enkontru ho reprezentante husi Nasaun Unidus iha Timor-Leste no organizasaun husi Nasaun Unidus ba ai-han, kona-ba karta Sekretariu Jeral Nasaun Unidus ninian ne'ebé mak iha posibilidade atu fasilita kargu regionais no pasajeirus ligadu ho pandemia Covid-19," dehan José hafoin enkontru iha palasiu governu, Segunda (11/05).
Nia esplika, apoiu ne’ebé ONU oferese nu’udar asistensia umanitaria hodi fasilita Timor-Leste bainhira presiza sosa sasan no tula pasajeirus.
PUBLISIDADE
"Apoia ida ne'e nu’udar asistensia umanitaria, tanba ita agora dadauk oinsa atu fasilita ekipamentus mediku ai-moruk, ita agora ko'alia hela atu sosa, prosesu sei la'o hela no mós ai-han, liu-liu foos, entaun bainhira akizasaun sira ne'e la'o ita presiza iha transportasaun, tanba ne'e mak Sekretariu Jeral Nasaun Unidus nian mai atu fasilita atividade rejionais no mós pasajeirus ligadu ho pandemia Covid-19 ninian.”
Apoiu ne’e, nia afirma, ba nesesidade emerjensia liga ba situasaun surtu Covid-19 ne'ebe agora nasaun tomak iha mundu enfrenta hela.
PUBLISIDADE
Tempotimor (Dili)-Ekipa Sentru Integradu ba Jestaun Krize (SIJK) hamutuk ho Ministeriu Saude hahú hasai amostra ba Timor-oan sira iha teritoriu nasional hodi halo prevensaun ba transmisaun lokal surtu Covid-19 iha Timor-Leste.
Iha triajen ne'ebé hala'o durante loron tolu, hahú husi 5 Maiu to'o 8 Maiu 2020 ne'e, rekolla amostra hamutuk 186.
"Hakarak agradese ba maluk sira ne'ebé koopera tiha ona ho ekipa sira ne'ebé iha terenu hahú husi loron 5 Maiu to'o loron 8 Maiu, ne'ebé mak rekolla ona totál kazu ka amostra 186," dehan Portavoz SIJK Odete da Silva Viegas iha sala situasaun, Sentru Konvensaun Dili, Domingu (10/05).
Odete dehan, hafoin rekolla amostra, ekipa mediku halo ona teste ba amostra balun.
"Rezultadu balun iha ona, maibé balun seidauk, depois sira ne'ebé rezultadu iha ona ne'e laboratóriu hatudu katak negativu," nia dehan.
Iha biban ne'e, Odete husu ba sidadaun sira, liu-liu familia ne'ebé nia membru balun tama kuarentena ka izolamentu atu kontinua koopera.
"Husu ba ita hotu, inan-aman, familia sira ne'ebé sira-nia oan ka parentes tama iha prosesu kuarentena ne'ebé liu ba ne'e ka sira ne'ebé submete ba izolamentu, atu nafatin koopera, nune'e ita hamutuk bele deteta no prevene kazu Covid-19 iha ita-nia rai," nia dehan.
Entretantu, tuir planu, ekipa SIJK no MS sei kontinua triajen ba faze daruak iha 11 Maiu to'o 15 Maiu 2020.
Odete husu nafatin ba autoridade munisipiu no autoridade lokal sira atu kontinua koopera ho ekipa SIJK no MS ne'ebé hala'o triajen no sentinela survilense hodi bele identifika karik iha ona transmisaun lokal surtu Covid-19.
.