Login to your account

Username *
Password *
Remember Me

Durante Situasaun Covid-19, Presu Merkadoria La'o Normál

Diretór Jerál Estatístika, Elias do Santos Ferreira Diretór Jerál Estatístika, Elias do Santos Ferreira Foto Offisial

Tempotimor (Dili) - Durante implementasaun Estadu Emerjénsia relasiona ho Coronavirus Disease 2019 (Covid-19) situasaun iha merkadu la'o normál.


Diretór Jerál Estatístika, Elias do Santos Ferreira hatete, durante situasaun surtu Covid-19 presu merkadoria la'o normál.

Nia relata, dadus sensu agrikultura nian ne'ebé kada fulan publika iha índise presu konsumidór ka Consume Price Index (CPI) ne'ebé hatudu presu merkadu sira iha Dili no munísipiu laiha inflasaun boot.

"Iha Merkadu Dili laran no iha munísipiu presu la'o normál hela. Ema balun dehan Covid-19 ida-idak tur iha uma sosa foos barak, maibé realidade presu merkadoria la'o normál hela, ita haree ba presu mina mundiál tun ita nian mós tun", hateten Elias, iha Palasiu Governu, Tersa (12/5).

VIDEO PUBLISIDADE APELU HUSI PM TAUR APLAUS BA FRONT LINE



Kona-ba sensu agrikultura iha ona finalizasaun, daudaun haruka ona ba Regional Office FAO, iha Bankoke para depois sei publika.

Diretór ne'e akresenta, dadus ne'e liga ho totál uma kain no populasaun iha sensu agrikultura, entaun sei hein rejistrasaun familiár ne'ebé kada suku no aldeia haruka mai nasionál oras daudaun sei kombina hela iha Estatál.

"Ami mos presiza hela dadus sira ne'ebe haruka husi suku mai Estatal hodi nune'e ami bele kuza ho dadus sesus agrikultura ne'e, tanba dadus agrikultura ne'e iha dadus uma kain to'o iha nivel suku, tanba ne'e mak ita hare tok nia diferensa to'o iha neebe", tenik nia.

PUBLISIDADE



Diretór ne'e mós informa, iha atividade tinan 2020 labele halo, liuliu sensu populasaun uma kain, tanba ho duadesimu entaun adia ba tinan 2021, inklui atividade balun ne'ebé suspende tanba situasaun surtu Covid-19, no sei kontinua bainhira situasaun la'o normál hikas.

Nia hatutan, iha tinan 2015 dadus uma kain 204.597, depois iha sensu agrikultura uma kain sa'e ba 213.417. Totál populasaun iha tinan 2015 tokon 1.183, maibé iha dadus sensu agrikultura aumenta ba tokon 1.208. (*)

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter