Login to your account

Username *
Password *
Remember Me

Kazu Foun Covid-19 Laiha, SIJK Husu Komunidade Kontinua Hakmatek

Tempotimor (Dili)-Bazeia ba dadus atualizasaun husi Sala Situasaun Sentru Integradu ba Jestaun Krize (SS-SIJK) katak, dadus ba infesaun corona vírus deasses 2019 (Covid-19) iha Timor-Leste númeru pozitivu la aumenta no kontinua reduz.

Dezde semana ikus fulan Abril tinan 2020 kazu pozitivu Covid 19 la aumenta, ate ohin, tuir portavoz SIJK Dr. Rui Maria de Araujo katak, kazu konfirmadu hela na'in neen.

 

VIDEO PUBLISIDADE APELU HUSI PM TAUR APLAUS BA FRONT LINE



"Total kumulativu kazu konfirmadu nafatin 24, laiha kazu no kazu ne'ebé rekuperadu ona hamutuk na'in 22, kompostu husi kazu konfirmadu 18 no kazu provável na'in 4, entaun hela na'in 6 mak sei baixa iha sala izolamentu Vera Cruz," dehan Porta-Vóz SIJK Dr. Rui ba jornalista sira iha sala situasaun CCD, Segunda (11/05)

Entretantu sidadaun sira ne'ebé tuir ona teste laboratóriu hamutuk 922. Husi númeru refere na'in 117 mak sei hein rezultadu, na'in 781 mak rezultadu laboratóriu hatudu negativu: 781.

Alende ne'e sidadaun sira ne'ebé sei iha kuarentena no auto-kuarentena hamutuk iha Díli no munisípiu hamutuk 99, no sira ne'ebé pasa ona husi kuarentena hodi fila ona ba família hamutuk 2162.

 

PUBLISIDADE



Husi dadus ne'ebé iha Porta-Vóz SIJK kontinua husu ba sosiedade atu mantein regras sira husi Ministériu Saúde kona-bá prevensaun nian.

"Ba populasaun tomak, liu-liu joven sira, maski númeru kazu detetadu la aumenta, husu atu nafatin kumpri ho disiplina regra distansiamentu sosiál koletivu, hanesan labele halibur-malu ka la’o rame-rame, liuhusi ema na'in lima, uza nafatin máskara, wainhira sirkula iha fatin públiku no fatin ne’ebé iha ema barak, hanesan loja, servisu fatin, bazar no seluk tan, fase liman beibeik, no evita kose liman ba ibun, inus no matan," dehan Rui.

 

PUBLISIDADE

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter