Ho asidente ne’e konsege difikulta transporte públiku no privadu sira para, tanba kareta refere taka fila iha estrada klaran.
Asidente ne’e mosu bainhira kondutór koko halai liu karreta Pradu ho númeru Sapa Matrikula 30.841 iha oin mak derepente travaun la han, Kondutór rasik mós silu karreta ba foto.
"Ha'u arah husi ne'ebá mai, (Dili-Same) karreta ne'ebá iha kurva ne'e entaun ha'u hakfodak ha'u atu trava, derepente travaun la han, entaun nia tun mai Sulin, ha'u la fila ba foho ne’e konserteza ha’u soke hotu”, hatete Bencislao Horacio dos Reis ba www.tempotimor.com iha fatin akontesimentu Aileu, Seloi Kraik, sesta (03/12).
Tanba ida ne'e mak Kondutór Xoke ba rai lolon ne'e no rezulta karreta rahun no Kondutór nia fen no oan kanek.
"Ha'u la hatene ha'u-nia ferikoan mak ba hela ospitál mais ami na'in-haat mak iha karreta laran ha'u oituan de'it mak kanek ha'u-nia ferik oan, ha'u konsege haree ibun mak raan mais ha'u la hatene kondisaun kontinuasaun”, dehan nia.
Alende ne'e Atai nu’udar kondutór karreta Pradu ho Sapa Matrikula 30.841 hatete, karreta ne’ebé taka fila tenta halai liu mak kait.
"Ami para hela, ami atu aranka sai no nia atu halai liu mak kait ami-nia karreta to'o baku fila”, konta Atai.
Karreta refere atu hala'o nia destinasaun husi Dili Same mak hetan dezastre iha Munisípiu Aileu, Seloi Kraik. (*)