PM Taur Rekuperadu Husi Covid-19 ho Ai-moruk Tradisionál no Vitamina

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak, ne’ebé rekuperadu husi Covid-19 hafoin loron 16, tanba konsumu ai-moruk vitamina nomós aí-moruk tradisionál.

"Doutór sira muito kuidadu ha'u, e ha'u hemu ai-moruk vitamina no isin manas nian, maibé iha ita-nia tetun balu halo nusá tamun ne'e, nono ai-tahan ai-abut, ha'u tamun loron kalan, depois hemu bee manas no ailia banibeen buat sira hanesan ne'e”, hatete Taur iha Rezidénsia Faról, tersa (14/09).

Maibé iha dalan úniku atu salva-an husi Covid-19 mak tenke vasina dalarua, bainhira afeitadu Covid-19, tanba ne'e husu ba sidadaun sira tenke simu vasina kompletu.

"Vasina dalan mesak salva ita-nia an, proteje ita-nia an mesak ba moras Covid-19 nian, tanba hanesan ha'u-nia esperiénsia, se foin dadauk ha'u la simu vasina kompletu dalarua ne'e todan oituan, tanba mezmu ha'u vasina kompletu ona mais ha'u sei bulelu tiha oituan, ita-boot sira hanoin to'ok, ha'u la simu vasina, ne'e esperiénsia ida ha'u nian rasik, tanba ne'e ha'u hakarak partilla ba sidadaun sira tomak", eaplika nia.

Hafoin hatene Covid-19 ne'e da'et ba isin iha sintomas ne'ebé laiha vontade sira atu hala'o servisu.

"Kuandu hetan tiha Covid-19 ne'e ita sente oinsá?. Bulelu oituan vontade han laiha, hakarak toba de'it, kabun moras isin moras isin manas oituan, me'ar, ne'e iha primeira semana ne'e perturba oituan ha'u nia situasaun”, dehan nia.

Iha loron tersa (14/09), Primeiru Ministru, Taur Matan Ruak, kondisaun di'ak no retoma fali nia servisu hanesan  Xefe Governu.

Tanba ne’e, agradese ba Ministériu Saúde liliu doutór sira ne'ebé durante ne'e kuidadu iha tempu afeitadu, no agradese ba Vise Primeira Ministra, Armada Berta, no Vise Primeiru Ministru, José Reis ne'ebé mak lidera Governu liuhusi Komité Revizaun Orsamentu Polítiku ba Orsamentu Jerál Estadu (OJE) 2022, durante semana rua nia laran. (*)

Rate this item
(0 votes)
Last modified on Wednesday, 15 September 2021 14:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter