Tuir fonte kredivel ne'ebé durante ne'e servisu besik ho Primeiru Ministru, Taur Matan Ruak, informa ba www.tempotimor.com katak, Xefe Governu hahú tama servisu, tanba rekuperadu ona husi moras Covid-19 ne'ebé infetadu durante loron 14 kumpri autoizolamentu iha ninia rezidénsia.
"Sim Primeiru Ministru, Taur Matan Ruak ohin (14/09), hahú tama servisu hodi halo atividade servisu babain hanesan Xefe Governu", dehan fonte ne'ebé husu atu www.tempotimor.com labele públika nia identidade, iha palásiu Governu, tersa (14/09).
Antes ne'e Ministru Prezidensia Konselu Ministru (MPKM), Fidelis Leite Magalhaes hatete, iha reuniaun Konsellu Ministru Primeiru Ministru (PM), Taur Matan Ruak, labele prezide tanba infetadu moras Covid-19.
"Aujénsia Primeiru Ministru Taur Matan Ruak iha reuniaun Konselu Ministru tanba moras, no liuhusi teste ne'ebé ekipa Minestériu Saúde halo rezultadu fó sai Primeiru Ministru pozitivu Covid-19", informa Fidelis. (*)