Login to your account

Username *
Password *
Remember Me

Kazu Covid-19 Foun 278, Ida Mate iha Vera Cruz

Covid-19 Timor-Leste Covid-19 Timor-Leste Foto Tempo Timor

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, sidadaun husi Munisípiu Ermera na'in-1 mate tanba Covid-19 iha sala izolamentu Vera Cruz no kazu pozitivu foun iha oras 24 nia laran (19/08/2021) hamutuk 278.

“Kazu detetatu foun ne’ebé relata iha 19 Agostu 2021 hamutuk 278 (iha Dili 185 Manufahi 41, RAEOA 21, Likisá 18 Munisípiu seluk hamutuk 13) mane 146, feto 132 no totál óbitu foun na'in-1 (ida) mane idade tinan 47”, dehan nia liuhusi komunikadu imprensa, kinta (19/08).

Timoroan enkamiña husi Ermera mai Ospital Nasionál Guido Valadare (HNGV) iha loron 5 fulan-agostu 2021 ho diagnóstikubsindroma insufisiénsia respiratória aguda (SIRA) tanba Covid-19 (PCR pozitivu ho CT E gene 33,3).

Matebian ne'ebé mate família koordena hela ho ekipa saúde atu hala’o funeral tuir protokolun ne’ebé adopta iha Timor-Leste.   

Husi totál kazu detetadu foun hirak ho idade tinan 20 na'in-55 (19,7%) ho idade entre tinan 12-59 na'in-215 (77,3 %) ho idade 60 na'in-8, 140 kazu ka 50,4% maka sintomátiku (hatudu sintomas).

Enkuantu kazu rekuperadu ne’ebé ralata iha loron 19 fula-agostu 2021 foun 55, totál kazu ativu 2.729 no totál kazu konfirmadu kumulativu iha 19 agostu 2021 (sura husi 21 Marsu 2020) hamutuk 13.433.

Hahú husi loron 18 to’o 19 Agostu, hamutuk hotu Laboratóriu Nasionál (LNS) halo 866 testes PCR iha Dili ho detalla hanesan vijilánsia sentinela 44, rastreiu kontaktu (contact tracing) 427, rastreiu aleatóriu (random screening) 99, viajen sai husi serka sanitária munisípiu Dili 262, viajen internasionál 0 no follow up iha kuarentena 34.  

Rezultadu testes PCR ne’ebé halo iha loron 18 agostu iha Munisípiu sira seluk REAOA ho HNGV hamutuk 326 ho detalla hanesan Baukau 45, Ermera 10, Maliana 39, Maubisse 63, RAEOA 16, Suai 65, Vikeké 7, Lautein-Lospalos 2 no HNGV 79. (*)

Rate this item
(0 votes)
Last modified on Thursday, 19 August 2021 20:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter