Mate-isin Samuel Husi Koreia Ho Citilink To'o Timor-Leste

By Tempo Timor July 20, 2021 3131

font size decrease font size increase font size
Print
Email

Aviaun Citilink Mate isin Samuel Samputra Noronha husi nasaun Korea Súl ne'ebe para hela iha Aeroportu Internasional Nicolau Lobato, Komoro, Dili iha loron tersa (20/07). Foto Tempo Timor

Tempotimor (Dili)-Mate isin husi Samuel Samputra Noronha nian husi nasaun Korea Súl, Iha loron tersa (20/07), maizoumenus tuku 12:37 oras timor-leste (otl), to'o ona Aeroportu Internasional Nicolau Lobato, Komoro, Dili, Timor-Leste ho Aviaun Citilink.

Mate-isin traballadór sai husi Korea Súl, iha domingu (19/07) to'o iha Aeroportu Internasionál Prezidente Nicolao Lobato iha loron tersa (20/07).

Tuir kronolójia, matebian Samuel, tara-an iha loron sábadu, (27 fulan-Juñu tinan 2021), iha tuku 22:00, oras Korea Súl nian.

Enkuantu, matebian hanesan traballadór reentry, tanba ba servisu iha Korea Súl, durante periúdu rua tuir malu, iha área fábrika hodi halo produsaun ba matérial konstrusaun sira hanesan, kalen, besi, inklui seluk tan.

Antes Aviaun Citilink tun iha Aeroportu, família matebian Samuel nian, tur iha aredór no balu hamrik iha portaun boot Aeroportu nian, hodi hein mate-isin atu akompaña lori ba moris fatin, Suku Haupu, Postu Administrativu Letefoho, Munisípiu Ermera. (*)

Rate this item

(2 votes)

Last modified on Tuesday, 20 July 2021 13:44

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com