Login to your account

Username *
Password *
Remember Me

Timoroan 1 Mate Tan ho Covid-19, Kazu Foun 36

Tempotimor (Dili)-Koordenadór Forsa Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, timoroan ida ho idade 17 mate tan ho Covid-19 iha izolamentu Vera Cruz no kazu detetantu foun 36.

“Kazu detetadu foun 36 (iha Dili 24, munisípiu seluk hamutuk 12) no mate na'in-1 feto ho idade tinan 17, timoroan, hela iha Dili, diagnostikada ho sindroma insufisiénsia respiratória aguda (SIRA) tanba Covid-19 (Cycle Thresehold Egene 30,7), HNGV iha loron 16 fulan-Jullu tinan 2021”, dehan nia liuhusi komunikadu imprensa, segunda (05/07).

Iha loron ne’e keda hala’o tratamentu iha Vera Cruz tuir protokolu ba Covid-19, inklui oksijenasaun liuhusi ventiladór no hafoin loron 18, pasiénte la mellora, nune'e iha loron 4 fulan-Jullu iis-kotu iha 16:50, tanba multiple organ failure.

Família matebian kordena ho ekipa saúde ho hala’o ona funerál tuir protokolu ne’ebé adopta iha Timor-Leste.

Enkuantu, totál kazu detetadu foun iha mane 21, feto 15, ho idade entre tinan 12-59 na'in-36 (100%), 22,2 % mak sintomátiku (hatudu sintomas), kazu  rekuperadu ne’ebé ralata 25, kazu ativu 925 no totál kazu konfirmadu kumulativu iha 5 fulan-Jullu 2021 (sura husi 21 Marsu 2020) hamutuk 9512.

Hahú husi loron 4 to’o 5 fulan-Jullu, hamutuk hotu Laboratóriu Nasionál Saúde (LNS) halo 441testes PCR iha Dili, ho detalles hanesan, vijilánsiasentinela 8, rastreiu ba kontaktu (contact tracing) 9, rastreiu aleatóriu (random screening) 87, viajen sai husi serka sanitária munisípiu Dili 315, viajen internasionál 21 no follow up iha kuarentena 1.   

Rezultadu testes PCR ne’ebé halo iha loron 4 fulan-Jullu iha munisípiu sira seluk, REAOA ho HNGV, hamutuk 229, ho detalla hanesan Baukau 112, Ermera 4, Maliana 10, Maubisse 10, RAEOA 22, Suai 17, Vikeké 7 no HNGV 47. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter