Deskonfia Transmisaun Lokal Covid 19 Bobonaro, Fidelis Husu Povu Dili Kuidadu

Ministru Prezidensia Konsellu Ministru, Fidelis Leite Magalhães Ministru Prezidensia Konsellu Ministru, Fidelis Leite Magalhães Foto Arkivu

Tempotimor (Dili)- Sidadaun hakur fronteira terestre ho dalan ilegal iha Munisipiu Bobonaru ne'ebe lori deskonfia importa pandemia Covid 19 husi Indonezia komesa hasa'e deskonfiansa. Autoridade iha munisipiu Bobonaro no nasional deskonfia mos risku ba hada'et moras Covid-19 aumenta, nune'e governu husu ba komunidade iha Munisipiu Dili no sira seluk kuidadu hodi evita.

Ministru Prezidensia Konsellu Ministru, Fidelis Leite Magalhães ho governu nia naran apela ba komunidade iha Munisipiu Dili no sira seluk atu kontinua kumpri medidas prevensaun Covid-19.

"Agora ita rona tan iha Bobonaru ilegal ne'ebé aumenta, ita iha dili mos tenki kuidadu, tanba ida ne'e mak governu kontinua apela ba komunidade Dili nian ba ita hotu, atu kumpri ho medidas hirak ne'e", dehan Fidelis hafoin reuniaun Konsellu Ministru extraordinariu iha palásiu governu, segunda (15/02/21).

Governu husu komunidade labele halimar ho moras Covid-19, diak liu kumpri regras prevensaun, tanba bainhira sei moris bele halo festa, mate ona sei la halo festa para sempre.

"Tanba, dala barak ita hanoin dehan halimar de'it, baruk ona, mais hau sempre dehan diak liu evita la halo festa dala ida, duke ita la halo festa para sempre",Tuir Nia

Nune'e, Sentru Integradu Jestaun Krizi (SIJK) reativa ona hodi kontinua hala'o funsaun la taka dalan, se wainhira risku Covid-19 aumenta, tenki hola mos medidas rigorozu atu evita labele hada'et iha rai laran.

Pasiente Covid-19 ne'ebé dadaun ativu baixa iha sala ijolamentu sentru Vera Cruz hamutuk 38 no ida baixa iha ijolamentu Reziaun Administrativu Espesial Oekusi Ambenu (RAEOA). (*)

Rate this item
(0 votes)
Last modified on Monday, 15 February 2021 23:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter