Nia dehan, ai-moruk parasetamol ho ampisilin iha hela, maibé atu foti presiza hato'o pedidu ba Servisu Autónomu Medikamentu Ekipamentus Saúde (SAMES).
"Ha'u dehan beibeik ona, ai-moruk parasetamol no ampisilin ne'e la'os laiha, se ai-moruk laiha ida ne'e depende ba sira-nia koordenasaun, sira-nia pedidu mai ka lae, tanba ne'e sames sei la lori ai-moruk ba, se laiha pedidu", nia ko'alia hafoin reuniaun Konsellu Ministru iha Palásiu Governu, kuarta (20/01/21).
Nia dehan, ai-moruk iha postu saude sira banhira hotu ona, tenke hato'o lalais pedidu atu hetan transferénsia.
"Tanba ne'e, ba sentru saúde no postu saude sira ne'ebé mak ai-moruk laiha ona tenke husu la'ós nonok de'it," nia tenik.
"Ha'u seidauk hateten stok out iha SAMES, loos iha semana kotuk ha'u hatene 36% ho númeru persentajen foun ne'e ha'u seidauk hatene," nia akresenta. (*)