Login to your account

Username *
Password *
Remember Me

UE Apoiu tan Governu TL ho millaun $2 ba prevensaun Covid-19

Ministra Saúde (MS), Maria Odete Belo Guterres, koalia hela ba média sira hafoin simu apoiu orsamentu hamutuk U$.2.3 milloens husi Uniaun Europeia hodi kombate Covid-19 iha timor-leste (18/01). Ministra Saúde (MS), Maria Odete Belo Guterres, koalia hela ba média sira hafoin simu apoiu orsamentu hamutuk U$.2.3 milloens husi Uniaun Europeia hodi kombate Covid-19 iha timor-leste (18/01). Foto Tempo Timor

Tempotimor (Dili)- Governu liuhusi Ministériu Saúde (MS), simu tan apoiu orsamentu husi Uniaun Europeia (UE) nian liuhusi nia embaixada iha Timor-Leste ho montante millaun $2.3 hodi haforsa kapasidade governu nian oinsá bele hamenus impaktu husi Covid-19 iha Timor-Leste (TL).

Ministra Saúde (MS), Maria Odete Belo Guterres esplika, apoiu ne'ebé fó husi Uniaun Europeia, la'os foin mak halo, maibé hahú kedas iha primeiru bainhira akontese pandemia covid19 iha fulan Marsu 2020 liu bá, sira apoiu ona ekipamentu no kona-ba protesaun nian.

Ministra ne’e rekoñese katak, durante halo prevensaun ba moras ne'e la'os MS mesak servisu, maibé hetan apoiu husi parseiru sira liuhusi kordu entre Organizasaun Mundial ba Saúde (OMS) ho Uniaun Europeia rasik.

"Realidade agora ita bele dehan segundu apoiu ne'ebé mak sira fó intermus orsamentu oitoan para atu bele hametin nafatin kondisoens sira, liuhusi treinamentu ba pessoal sira, hadi'a ita nia kondisoens sira iha Kuarantena, izolamentu ninian", Maria Odete Belo Guterres hateten ba jornalísta sira, hanoin asina akordu ho UE ho OMS iha Palásiu Sinzas Kaikoli, segunda (18/01).

Nia dehan, liuhusi orsamentu ne'ebé iha ona, sira sei aloka tuir nesesidade hanesan, bainhira hakarak atu halo revizaun ruma kona-ba iha protokolu sira, regra sira iha fatin izolamentu, presíja ekipamentu hanesan laboratorium nasional nian, hadi'a sentru saúde ne'ebé presíja.

"Agora akordu ida ne'e ita asina ona, no hein ministériu saúde presíja atu haree planu ita presíja,loos iha área ida ne'ebé",nia dehan.

Tuir nia, moras covid-19 sei nafatin eziste TL no iha mundu tomak sei sofre hela hodi halo ema barak ninia kondisaun saúde no ba moris ekonómia nia susar hela, nune'e mka MS hakarak halo parseria nafatin hodi fó apoiu ba TL.

Iha fatin hanesan, Embaixadór Uniaun Europeia nian iha TL, Andrew Jacobs hatutan, objetivu husi akordu ne'e atu apoiu governu hodi hametin ninia kapasidade hodi hamenus impaktu husi Covid-19 hodi hodi hatán ba situasaun emerjénsia sira seluk ne'ebé bele mosu.


"Orsamentu totál neebé disponivel ba asaun ida ne'e, maizumenus Euro millaun rua pontu tolu (2.3), apoiu ba Saúde ida ne'e hodi hatán ba Pandemia Covid-19, dezenvolve ona bazeia ba planu estratéjia nasional ba preparasaun resposta ba Covid-19", nia sublinha.

Liuhusi apoiu refere, atu fó asisténsia teknika ida espesializada ba formasaun institusional no rekursu umanu, fó apoiu ba kapasidade laboratoriu nian, jestaun efetiva ba kazu sira no fornesimentu ba distribuisaun ekipamentu diagnóstiku nian no medikamentu.(*).

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter