Deputadu bankada FRETILIN Dário Madeira husu ba MS atu investiga ninia DJ hodi bele hetan klarifikasaun forte kona-ba subsidiu frontline ba pesoal saude sira ne’ebé la tuir dekretu lei governu.
"Ha’u hanoin kona-ba failansu subsidiu frontline ba pesoal saude sira di’ak liu loke investigasuan ba Diretor Jeral ne'ebé tutela iha ministeriu saude ninia atu nune'e fó klarifikasuan mais detallu ba problema ida ne'e," dehan Dário liu husi ninia intervensaun iha plenaria PN, Segunda (13/07).
Tuir nia, subsidiu frontline ba pesoal saude sira ne’ebé PN aprova ba fulan rua nia, maibé ikus mai governu fó de’it fulan ida.
Hatan ba kestaun ne'e, Ministru Asuntu Parlamentar no Komunikasaun Sosial Francisco Jerónimo hatete, nia parte sei hato'o kestaun ne'e ba MS atu bele konsidera.