Nia dehan, Virus Covid-19 atu lakon lori tempu ne'ebe naruk ho nune'e ba oin SIJK sei kontinua halo prepara diak liu tan, ba situasaun ne'ebe pior liu.

"Ita tenke prepara an ba situasaun pior liu, tanba durante ne'e ita nia izolamentu mak Vera Cruz de'it i depois ninia kapasidade mos sidauk diak maske halo tratamentu ba kazu moderadu no lijeiru, maibe ba kazu sira grave ho kritiku sidauk bele",dehan Nia liu-husi konferensia imprensa iha sala situasaun Sentru Konvensoe Dili, sesta (15/5).

 

VIDEO PUBLISIDADE APELU HUSI PM TAUR APLAUS BA FRONT LINE

 

 

Portavoz SIJK ne'e afirma, Pasiente iha Sentru saude Vera Cruz alta hotu ona ho nune'e sei prepara fali fatin refere ba situasaun pior liu tan.

"Sira iha Vera Cruz negativu hotu ona entaun fatin mamuk ona ita uza tempu loron ida rua atu hasae ninia kapasidade hodi bele halo tratamentu ho diak",tenik Nia,

Eis-Ministru Saude ne'e akresenta, Preparasaun presiza mos halo kapasitasaun ba pesoal saude sira atu bele halo tratamentu diak liu ba iha kazu ne'ebe grave liu.

"Ita tenke kapasita pesoal saude sira hodi iha kapasida par bele halo jestaun ka tratamentu ba kazu sira ne'ebe moderadu, grave no kritiku",Nia dehan.

 

PUBLISIDADE

 

Portavoz Sergio salienta tan katak, presiza prepara ekipamentus sira iha fatin izolamentu hodi bele garante ba iha senariu tuir mai karik iha kazu grave.

"Tenke tau mos ekipamentus kompletu iha ne'eba hanesan ventilador no Oxigenio atu bele prepara ba kazu sira moderadu, grave no kritiku, nune'e mos ita sei buka fali ekipamentus seluk atu prepara no ekipamentus ne'e ita uza fali hodi halo tratamentu ba kazu sira lijeiru no asintomatika, tanba duran SIJK hari to'o agora kazu sira asintomatika mos ita tau hamutuk iha izolamentu ho sira ida moras",Nia relata.

Dr. Sergio esplika, agora ba oin SIJK sei servisu hamutuk ho Ministeriu Saude hodi halo politika ne'ebe diferente ho antes ne'e hodi senariu tuir mai labele tau hamutk de'it kazu sira provavel ho komfirmadu iha fatin ida.

"Ho nune'e agora ba oin ita halo politika diferente ituan hodi sira ne'ebe asintomatika ne'e hela ketak iha fatin seluk no sira ne'ebe la presiza tratamentu ne'e ita lalika aloka rekursu barak sira hein izola de'it to'o teste rezultadu negativu dala rua tuir malu, sira ne'ebe kazu lijeiru mos tau iha fatin ketak atu nune'e ekipamentus no fasilidade kompletu ne'e ita rezerva ba kazu ne'ebe todan no ida ne'ebe todan liu", Nia hakotu.

Nune'e politika preparasaun ba senariu pior liu iha tempu tuir mai, la'os iha Dili de'it, maibe tuir planu atu prepara mos fatin izolamentu iha ospital referal muniaipiu sira.

 

PUBLISIDADE