"Ita iha komisaun interministerial ida ne'ebé lidera husi Ministra Saúde ezersísiu, tanba ne'e sira halo hela esforsu atu haree fatin ida ne'ebé diak liu para ita perpara-aan," dehan PM Tau, iha Palásiu Prezidensiál, Bairru-Pité, Kinta (5/3).

Nia dehan, ba populasaun sira atu iha nosaun katak Corona Virus la'o barak ona iha mundu, tanba ne'e tenke kuadadu-aan nafatin.

"Ita hanoin iha Xina de'it, maibé ohin loron iha Amérika, Austrália, Singapura, Itália, iha ne'ebé-ne'ebé kuaze iha," dehan Taur.

Nune'e, psikolojiakamente Timor-Leste tenke prepara-aan tanba risku virus ne'e hatudu, atualmente iha ema rihun 90-resin mak afetadu no ema rihun tolu-resin maka mate ona.

Entertantu, enkontru semanál entre Primeiru Ministru, Taur Matan Ruak ho Xefe Estadu koalia asuntu tolu, seguransa nasaun iha aspeitu lei no ordem, ezekusaun orsamentu duadesimal, inklui Corona Virus. (*)