“Ha'u-nia saúde, ha'u mai husu atribuisaun ba Primeiru Ministru ha'u deskansa lai oituan, husu Primeiru Ministru fó tempu para ha'u bele deskansa oituan to'o rekupera tiha mak ita haree filafali”, dehan nia hafoin hasoru malu ho PM Taur iha Rezidénsia Farol, segunda (28/02).

Ho kondisaun agora la bele avansa hela de'it ho moras, tanba avansa hela de'it ho moras prezudika servisu, la halo servisu, maibé manán osan Estadu saugati ne’ebé hatete ba primeiru ministru fó lai lisensa deskansa.

“Iha tempu oportunu ha'u sei fila mai ko'alia ho Primeiru ministru, saida mak ha'u bele halo fali tanba razaun saúde la bele esforsu-an. Hanesan sidadaun ita bele halo ida ne'ebé ita la bele halo, ita tenke mai hatete katak, para lai oituan lai hodi haree lai saúde lai, ne'ebé diploma sira ne'e la'o nafatin, servisu la'o nafatin”, hatete nia.

Nune'e Primeiru Ministru autoriza Ministru Justisa deskansa oituan aproveta tan tempu paskua, kuaresma tan, deskansa lai hafoin bele filafali halo servisu hanesan, bele halo servisu seluk fali.

Tanba durante loron hira ne'e depende médiku sira hatete, maibé sei buka tempu didi'ak hetan tiha rezultadu mak tenke haruka karta pedidu ofisiál mai Primeiru Ministru.

“Ohin ha'u informa informál de'it ba Primeiru Ministru ha'u presiza deskansa, ha'u deskansa vise mak bele substitui ou ema seluk bele ba substitui fali”, hatutan nia. (*)