Tempotimor (Dili)-Titlu no kontiudu husi notisia ne'ebé públika sai nu'udar direitu fundamental kada redasaun instituisaun media hodi deside. Titlu husi notisia ne'ebé interesante sai mós nu'udar asuntu ida ne'ebé parte redasaun presiza haree. Utulizasaun kotasaun ("..") sai nu'udar buat baibain ne'ebé media ohin loron uza iha sira-nia titlu no kontiudu notisia.

Kotasaun ne'ebé media sira uza iha nia notisia, liu-liu iha titlu, ba lia-fuan ida ka liu la'os de'it ho intensaun atu titlu notisia refere sai interesante, maibé bele mós amostra situasaun ka kondisaun ida ne'ebé fonte informasaun la konsege hato'o, ka nu'udar lia satira ida.

Notisia ne'ebé media online tempotimor.com públika iha Sesta (06/03) sai "kontra-versaun" tanba nia titlu ne'ebé uza kotasaun. Iha notisia refere tempotimor.com hakerek, "La Prense Rekezitus, PR Lu-Olo 'Duni' Fila Xanana". Ikus mai, lia-fuan "Duni" sai diskusaun no hamosu pro no kontra.

Esplikasaun badak husi lia-fuan "DUNI" ne'ebé habit ho kotasaun rua la'os signifika katak PR Lu Olo duni fila Xanana. Ezemplu, bainhira mane ida hakarak ba hafolin feto, maibé to'o iha feto nia uma, mane ne'e la lori buat ne'ebé feto nia familia hakarak, ho nune'e feto nia familia haruka nia fila hodi kompleta. HARUKA fila bele interpreta mós ba lia-fuan DUNI ho kotasaun, katak haruka fila hanesan mós DUNI fila ho didi'ak, ho mamar.

Fila fali ba titlu notisia tempotimor.com, "DUNI" ho kotasaun signifika mós katak PR Lu Olo haruka fila Xanana hodi bele priense rekezitus balun ne'ebé presiza kompleta.

Relasiona ho titlu tempotimor.com ne'e, deputada husi bankada CNRT Maria Barreto deklara, titlu notisia ne'ebé tempotimor.com públika kontraversaun no hamosu polemika hodi sora lider sira.

"Titulu 'La Priense Rekezitus, PR Lu-Olo 'Duni' Fila Xanana'", ida ne'e soran lider nasional sira, maibé lee iha konteudu notisia la mensiona kona-ba PR Lu-Olo duni fila Xanana," dehan deputada ne'e iha Parlamentu Nasionál, Segunda (09/03).

Tuir nia, notisia ne'ebé tempotimor.com públika la kredibel no la tuir faktus tanba titlu notisia ne'ebé kontradis ho kontiudu informasaun.

"Ha'u lee ba titlu ida ne'e hatudu jornal tempotimor la garante integridade ho kredibilidade ba notisia," dehan deputada Maria ne'ebé la konsege halo diferensia entre jornal ho media online hodi temi tempotimor.com nu'udar jornal..

Liu tan, deputada ne'e dehan, notisia ne'ebé tempotimor hatuun kontra kodigu etika jornalista nian ne'ebé loloos defende ema hotu nia direitu ba informasaun ne'ebé loos no iha onestidade, imparsial no independente.

"Jornalista tempotimor ida hakerek ne'e kontra kodigu etika, sai fali provokator, mau soran, inventadu i manipula informasaun falsu hodi lansa ba públiku," dehan nia ho lian aas.

Maria dehan, titlu ne'ebé media online tempotimor.com hakerek nakonu ho odiu vigansa politika, tan ne'e, jornalista ne'ebé hakerek notisia ne'e la serve lori titlu

Titulu ne'e hatudu momos katak, jornalista nakonu ho odiu vigansa politika no nia la serve sai jornalista.

Ho kestaun hirak ne'e, deputada husu ba Sekretariu Estadu Komunikasaun Sosial no Konsellu Imprensa atu bele tau atensaun no husu tempotimor.com responsabiliza ba ninia notisia refere.

"Ha'u hakarak husu seriedade ba Konselu Imprensa par oinsa atu bele tau atensaun ba media hirak ne'ebé sai provokator no inventadór, sira ne'e di'ak liu hapara," dehan nia.

 

"Haluha An Rasik"

Entretantu, deputadu Partidu Libertasaun Popular (PLP) Francisco Vasconcelhos defende públikasaun tempotimor.com.

Tan ne'e, nia husu ba deputadu sira atu labele koko hodi kontrola media sira.

Deputadu ne'e fó ezemplu ba kritika sira ne'ebé media iha nasaun sira seluk hanesan Amerika halo ba nia lider sira.

"Iha Amerika jornalista sira sei kritika Donald Trump, hanesan mos iha konferensia ida iha Malazia kona-ba oapel parlamentu nian hodi buka solusaun ba problema Palestina nian, profesor doutor mai barak ko'alia kona-ba Donald Trump hanesan Hitler, ne'e hatudu saida? Se ida nia (ema ne'ebé koalia) sente la di'ak tenke ko'alia, ne'ebe tempotimor no kualker jornal bele espresa, importante labele insulta".

"Ha'u justru preokupa media center CNRT nian mak soran liu. Horseik ko'alia de'it kona-ba PLP haruka ami lee fali akta, ne'e soran ka lae? Ha'u akompania hela dei't, ha'u preokupa ita labele insulta, ne'e bele, ami PLP mós iha media center mais ami sempre dehan labele ataka partidu no lider," dehan Francisco.

Nia dehan, dala-barak nia haree media center CNRT hasai informasaun ne'ebé la edukativu.

"Ita labele ko'alia ida pois ida fali ita ignora, ne'e la loos.

 

Governu Labele Intervene

Sekretariu Estadu Komunikasaun Sosial Mericio Juvinal dos Reis 'Akara' hatan katak, governu fó apoiu orsamentu ba Konselu Imprensa atu sira hala'o knar no serbisu hodi haree ba serbisu media sira iha Timor Leste.

Nia hatete, tuir Lei Komunikasaun Sosial no mós Konstituisaun RDTL governu labele halo intervensaun direita, liu-liu ba iha editorial.

"Ita akompana media balun karik ladun halo notisia tuir estandar kodigu etika jornalista nian ne'e ita husik ba Konselu Imprensa mak haree, tanba ita mós lakohi ba oin ki'ik boot governu mak halo intervensaun, ne'ebé ami akompaña, sei informa de'it ba Konsellu Imprensa hodi hala'o knar di'ak liu tan," dehan Akara.

Nia afirma, governu asegura no garantia liberdade imprensa no liberdade espresaun ne'ebé konstituisaun garantia no Lei Komunikasaun Sosial fó dalan.

Tempitimor (Dili) - Ministériu Públiku halo ona kontaktu informál no hein formaliza informasaun ho Ministériu Públiku Indonézia relasiona ho sidadaun Timor ne'ebe produs Osan falsu no kapturadu iha Indonézia.

Tempotimor (Dili) - Primeiru Ministru, Taur Matan Ruak hatete, atu luta ba nasaun nia diak, prontu dehan la'e ba lider istoriku Kay Rala Xanana Gusmao kuandu hare bu'at ruma la los.

Tempotimor (Dili) - Solusiona impase polítika iha rai-laran partidu koligasaun lidera husi Kay Rala Xanana Gusmão hamutuk ho aliadu sira aprezenta-ann ba Prezidente Repúblika.

Tempotimor (Dili) - Prezidente Repúblika haruka fila partidu koligasaun foun, ne'ebé lidera husi Kay Rala Xanana Gusmão, tanba la prienxe rekizitu.

Tempotimor (Dili) - Partidu Koligasaun foun hasoru Prezidente Repúblika ne'ebé lideradu husi Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmão.

Tempotimor (Dili) - Prezidente Konsellu Diretiva Nasionál (CDN) Partidu CNRT, Dionisio Babo Soares, rejeita informasaun kona-ba Prezidente CNRT, Kay Rala Xanana Gusmão envolve kazu falsifikasaun osan.

Tempotimor (Dili) - Xefe Estadu Maiór Jenerál FALINTIL-FDTL la prekupa partidu sé mak ukun, importante mak Governu metin hodi rezolve povu nia moris inklui institusaun FALINTIL-FDTL.

Tempitimor (Dili) - Xefi Estadu Maiór Jenerál FALINTIL-FDTL hateten, autór funu sira nafatin terus maibé ema balun aproveita ukun aan hodi hada'u osan no kadeira.

"Ema klibur-oan ida liuliu FALINTIL nia-terus no susar, balun mate tuir dalan no ami uitoan de'it mak mai. Ami ne'ebé sakrifika interese individuál, familiár atu bele liberta povu no nasionál. Ami bele, nusa mak ohin loron labele? Ohin loron tanba de'it kadeira, osan ita hada'u-malu. Enkuantu ami ne'ebé terus ne'e, terus ba beibeik," dehan Majór Jenerál Lere Anan Timur, iha Palásiu, Bairru-Pité, Kuarta (4/3).

Nia hatutan, ohin loron luta na'in sira ne'ebé husi ai-laran kuaze maioria sira-nia oan tinan masimu mak 20, susar atu sustenta-aan no garante mak pensamentu kada fulan ne'ebé seidauk to'o.

Eis-gerrileiru afirma, daudaun ne'e barak mak hada'u-malu fali kadeira tanba partidu. Mezmu ne'e konsikuénsia husi demokrasia multi-partidarizmu ne'ebé ko'alia iha Konferénsia Nasionál, Maubai, iha 1981.

"Mas demokrasia la signifika katak ita metin pozisaun la hateke ba kotuk katak, Independénsia ne'e mai husi ne'ebé," tenik Lere.

Antes ne'e, iha semináriu komemorasaun loron Veteranu iha CCD, Jenerál Lere konta istória pasadu entre nia ho Xanana Gusmão bainhira halo komparasaun ba animál lekirauk ne'ebé bandidu estraga ai-han hodi kompara ho situasaun atuál ne'ebé iha grupu ka pesoál ne'ebé hada'u kadeira, inklui tenta atu estraga estabilidade nasionál. (*)
 
 
 

Tempotimor (Dili) - Xefe Estadu Maiór Jenerál FALINTIL-FDTL fó atensaun ba autor produs  osan falsu atu kuidadu ho deklarsaun ne'ebé laiha evidensia.

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks