Items filtered by date: Wednesday, 05 May 2021

Tempotimor (Dili)-Ministru Ensinu Superiór Siénsia no Kultura (MESSK), Longuinhos dos Santos hatete, Prezidente Repúblika (PR), Francisco Guterres ‘Lú Olo’, iha loron tersa (04/05) promulga ona osan ho montante millaun US$2.1 hodi apoiu propinas no internet ba estudante.

Published in Edukasaun & Kultura

Tempotimor (Dili)-Sentru Integradu Jestaun ba Krize (SIJK) iha loron 05 fulan-maiu tinan 2021, rejistu tan kazu pozitivu covid-19 foun hamutuk 133, maioria iha iha munisípiu Dili.

Published in Saude

Tempotimor (Dili)-Sekretáriu Estadu Terras Propriedade liuhosi Diretór Jeral Terras Propriedade, Rodrigo Mendoça hatete, governu identifika ona fatin 6 (neen) ba família ne'ebé afeta dezastre naturá iha loron 4 fulan-abríl tinan 2021.

“Fatin neen ne'ebé ami prepara hanesan, husi leste nian iha Hera to'o Metinaro, parte Oeste inklui Oekuse iha Tibar, ema mai husi Aileu, Same, Suai ami prepara husi parte Aileu iha postu Laulara”, dehan nia iha nia kna’ar fatin Bebora, kuarta (05/05).

Maibé, primeiru sei indentifika uluk ema ne'e orijen mai husi ne'ebé no nia mai iha Dili ne'e tanba eskola, serbisu ka ema hakarak mai hela duni iha Dili tanba Dili fatin sentrál hodi buka servisu.

“Ami sei identifika ema tuir ninia Munisípiu karik lorosa’e ami prepara iha Hera no husi Likisá Bobonaru ami prepara iha tinan no husi Suai, Ainaru, Same, ami identifika iha Postu Laulara”, esplika nia.

Tanba ne’e, komunidade tenke ses oituan husi Dili, nune'e sidade Dili bele organiza didi’ak atubele investe administrasaun ho ekonomia bele la'o ho di'ak, maibé parte kompetente hala'o planu ida ne'e provizória de'it maibé presiza desizaun polítika hodi prevé orsamentu atu assegura planu.(*)

Published in Politika

Tempotimor (Dili)-Estadus Unidus Amérika (EUA) apoiu osan ho montante millaun US$17.900.000,00 (dolar amerikanu millaun sanulu-resin-hitu, rihun atus sia) hodi reforsa boa governasaun iha Timor-Leste.

Published in Ekonomia

Tempotimor  (Dili)-Governu Prevé Orsamentu US$50.000.000,00 (dolar amerikanu millaun limanulu) ba Ministériu Koordenadór Asuntus Ekonómikus (MKAE).

"Konsellu Ministrus delibera ona hodi mantein provizaun US $50.000.000,00 (dolar amerikanu millaun limanulu), ne’ebé destina ba kompartisipasaun Estadu nian iha ámbitu Akordu Espesiál Investimentu ne’ebé selebra ho TL Cement, Lda", dehan Ministru Prezidensiá Konsellu Ministru, Fidelis Leite Magalhães ba jornalista sira, Iha edifísiu Ministériu Finansas Aitarak-Laran, kuarta (5/5).

Orsamentu Refere, husi prazu adisionál fulan 9, to’o loron 31 fulan-dezembru tinan 2021.(*)

Published in Ekonomia

Tempotimor (Dili)-Prezidente Tribunál Rekursu (PTR) Deolindo dos Santos rekoiñese orsamentu atu hari’i Tribunal Rekursu difikulta atu Hari’i Tribunál Distritál ba iha Munisípiu hodi lori justisa besik liu povu.

“Ita iha nesesidade ne’ebé mak ita hothotu akompaña dala barak ita hakarak justisa ne'e besik liu ba ita-nia populasaun sira, mais ita lakonsege lori to'o iha ne'eba tanba kestaun osan, distánsia”, hatete nia iha Parlamentu Nasional kuarta (5/5).

Ho kestaun orsamentu ne'e, Tribunal Rekursu dadaun uza de'it tribunal movél, maibé nia ezekusun ba despeza ne'e boot no la permanente.

Maibé iha mandatu foun ne'e, Tribunal Rekursu sei tau prioridade oinsá bele hari’i tribunal permanente ho ditánsia iha fatin tolu atu nune'e komunidade sira bele asesu kuandu iha kazu ruma.

“Ne'e mak hanoin hanusa mak atubele alarga tan tribunal permanente distánsia ne'e iha fatin tolu hanesan ne'e, ne'e mak ha’u-nia prioridade atu halo tempu badak nia laran, mais ida ne'e ita sempre ho apoiu mós husi ita-nia orgaun soberani sira”, hatete nia.(*)

Published in Justisa

Tempotimor (Dili)-Ministra Saúde (MS), Odete Maria Freitas Belo konsidera vasina AstraZeneca sai nu'udár prevensaun ikus hasoru surtu covid-19 iha Timor-Leste (TL).

“Hakarak deklara katak esforsu ba lala'ok prevensaun seidauk remata, tanba ita sei iha bala ikus, ita sei iha kilat musan ida ikus mak, vasina no vasinasaun”, afirms Odete iha salaun VIP, Aeroportu Internasionál Prezidente Nicolau Lobato, kuarta (05/05).

Vasina AstraZeneca ne'e realiza dadauk hela, tanba TL simu tiha ona husi covax facility nian, no iha faze daruak ne'e, simu tan vasina ho doses hamutuk rihun 20 (20 mil) ba moras infesioza águda, hanaran covid-19.

“Ida ne'ebé mak hakarak atu fó ba iha ita-nia ema rihun-20 ne'ebé mak elizidu ba maluk sira ho tinan 60 liu, nomós ba sira ne'ebé ho moras krónika sira hanesan, ema sira ne'ebé moras ho hipertensaun, moras diabétikus, ho sira ne'ebé mak ho moras rins, ne'ebé hala'o hela iha modeliza, moras infesioza krónika pulmaun nian, hanesan tuberkuloze, ita sura ho maluk sira ne'ebé moras hela ho HIVSIDA”, dehan nia.

Sidadaun sira afetadu ho moras hirak ne'e, hanaran grupu vulnerável ka grupu risku ne'ebé iha posibilidade ka, probalididade aas, atubele ospitaliza no lakon sira-nia vida bainhira virus SARS-CROV2 atubele hada'et ba sira.

Tanba ne'e, husu ba sidadaun hotu atu konvense malu no ema iha ida-idak konsiénsia hodi simu vasina AstraZeneca, nune'e bele halo redusaun ba moras pandemia globál surtu covid-19 iha TL.

Embaixadór Austrália iha TL, Peter Roberts hato’o nia kongratulasau ba governu TL, liuhusi ministériu saúde ne'ebé fornese ona vasina astraZeneca iha faze dahuluk nian ho susesu ba pasiénte sira.

“Vasina ne'e ho montante doses rihun 20 to'o ohin, no iha semana rua mai sei to’o tan doses rihun 10. Apoiu ida ne'e hanesan komitmentu husi governu Austrália hodi tulun kobertura vasina ba populasaun ho pursentu 80 (80%) ne'ebé la kobre husi covax”, dehan Peter Roberts.

Vasina AstraZeneca ne'e, produz iha sidade Melbourne no sidadaun sira iha Austrália, maioria mak simu ona vasina refere. (*)

Published in Saude

Tempotimor (Dili)-Governu Austrália apoiu orsamentu ho millaun US$18.8 hodi haforsa atividade kampaña no sosializasaun vasina ba populasaun sira iha Timor-Leste (TL).

“Em totál, Austrália fornese ona osan millaun 18,8 dolár Amérikanu hodi tulun Timor-Leste nia kampaña ba vasina”, hateten, Embaixadór Austrália mai TL, Peter Roberts, iha Aeroportu Internasionál Prezidente Nicolau Lobato, Komoro, kuarta (05/05).

Apoiu hirak ne'e inklui osan hodi prodúz no distribui vasina seguru no efetivu ba ema hotu iha Timor-Leste to'o kobre pursentu 80 (80%) husi ema sira ne'ebé mak la kobre ba Covax.

“Doze 10,000 (10 mill) ne'ebé sei to'o iha semana ne'e, hola parte ba kontribuisaun ne'e. Ami mós fornese asisténsia tékniku no prátiku nian, inklui ba jestaun distribuisaun no jestaun temperatura malirin nian, lojístiku no edukasaun saúde públika”, dehan nia.

Maibé ba apoia finanseira hirak ne'e, hasa'e sira nia parseria finanseira regulár, ho montante orsamentu hamutuk milliaun US$77.5, dollár Amérikanu kada tinan. (*)

Published in Saude

Tempotimor (Dili)-Ministru Prezidensia Konsellu Ministru, Fidelis Leite Magalhães deklara, sidadaun sira ne'ebé lakohi kolobora hodi halo swab teste, governu sei foti desizaun lori sidadaun ba hela iha kuarentena.

“Kuarentena ne'e mós iha tan implikasaun, katak wainhira sidadaun ne'ebé lakohi halo teste swab, nia rasik sei selu kustu ba kuarentena nian”, dehan nia hafoin sorumutu Konsellu Ministru iha edifísiu Ministériu Finansas Aitarak-Laran, kuarta (05/05).

Nune'e, Governu sei inpoin teste swab ba fatifatin, liliu fatin sira ne'ebé kongrega agrega ema barak.

“Teste swab ne'e aplikasaun ba ema hothotu iha Timor-Leste, tanba ne'e mak ita halo alterasaun ne'e iha dekretu governu Nú.14/2021 kona-ba ezekusaun estadu emerjénsia no dekretu governu ne'e nia aplikasun ba territóriu nasionál tomak”, reafirma nia.

Maibé atu halo teste swab ne'e depende ba Ministériu Saúde ninia desizaun bazea ba númeru kazu pozetivu sira. (*)

Published in Politika

Tempotimor (Dili)-Prezidente Tribunál Rekursu (PTR), Deolindo dos Santos, deside halo reuniaun ho orgaun soberania rua hanesan Parlamentu Nasionál (PN) no governu molok ba kontinua nia mandatu, daruak nian iha tinan haat nia laran.

Ho komfiansa ne’ebé hetan husi prezidente Republika (PR), iha kuarta (05/05) nia parte hasoru malu ho Prezidente Parlamentu Nasional, Aniceto Longuinhos Guterres Lopes, hodi hato'o komprimentu liliu ba membru PN tomak.

“Ha’u halo pedidu ba Prezidente Parlamentu Nasionál, no ba primeiru ministru, para bele iha reuniaun ruma ho sira, nu’udar orgaun soberania, antes ha’u kontinua ha’u-nia mandatu ba tinan 4. Ohin ko’alia ho PPN, primeiu atu komprimentu prezidente, ho membru PN tomak, tanba ha’u hetan konfiansa foun hodi hala'o servisu ne'e ba tinan 4 tan, ida ne'e mak ohin ha’u hato'o,” hatete nia iha Parlamentu Nasional, kuarta (05/05).

Durante sorumutu ho Prezidente PN, Aniceto Guterres, ko’alia mós kona-ba deklarasaun rikusoin deputadu sira-nian ba Tribunál Rekursu (PTR) tanba Lei Medida Prevensaun no Kombate Korrupsaun (MPCC-sigla portugés) mak obriga.

Prezidente Tribunál Rekursu, fó sai ida-ne’e tanba Lei Medida Prevensaun no Kombate Korrupsaun tama iha faze implementasaun entaun membru órgaun soberania tenke deklara rikusoin.

“Ne’ebé Lei MPCC ne’e entrada ein-vigór ona entaun Parlamentu Nasionál tenke haruka deklarasaun deputadu sira-nian kona-ba rikusoin ne’e ba Tribunál Rekursu tanba lei mak fó”, dehan nia.

Tuir loloos, Parlamentu Nasionál entrega deklarasaun rikusoin ba tribunál supremu maibé tan seidauk iha entaun Tribunál Rekursu mak implementa kompeténsia ida ne’e. (*)

Published in Politika
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter