EUA Apoiu Millaun US$17.900 hodi Reforsu Boa Governasaun

Tempotimor (Dili)-Estadus Unidus Amérika (EUA) apoiu osan ho montante millaun US$17.900.000,00 (dolar amerikanu millaun sanulu-resin-hitu, rihun atus sia) hodi reforsa boa governasaun iha Timor-Leste.

Ministru Prezidensiá Konsellu Ministru, Fidélis Leite Magalhães hatete,  Konsellu Ministrus delibera ona hodi atribui podér tomak ba Ministru Finansas, Rui Augusto Gomes, hodi asina akordu kontribuisaun finanseira entre Repúblika Demokrátika Timor-Leste no EUA, ne’ebé reprezenta husi United States Agency for International Development (USAID).

“Akordu ida-ne’e estabelese realizasaun husi kontribuisaun finanseira ida hala’o husi EUA ba Timor-leste ho valór US$17.900.000,00 (dolar amerikanu millaun sanulu-resin-hitu, rihun-atus-sia) ba fortalesimentu setór naun petrolíferu no ba reforsu boa governasaun nian”, dehan Fidélis, liuhusi Komunikadu Impresa, kuarta (05/05).

Orsamentu refere preve mós posibilidade husi kontribuisaun ne’e hodi kompleta, ne’ebé depende husi kapasidade orsamentál doadór nian, liuhusi kontribuisaun adisionál sira to’o ba montante totál estimadu US$92.300.000,00 (dolar amerikanu millaun sianulu-resin-rua, rihun atus tolu).

“Kontribuisaun adisionál sira-ne’e, karik akontese, iha futuru sei presiza halo akordu sira ba kontribuisaun finanseira ida-idak”, informa Fidelis. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter