Tempotimor (Dili)-Parlamentu Nasionál (PN) deside aprova ona pedidu husi Prezidente Repúblika (PR), Francisco Guteres ‘Lú Olo’, kona-bá deklarasaun renovasaun Estadu Emerjénsia (EE) ba dala-16.

Razaun, Parlamentu Nasionál fó autorizasaun ba PR atu dekreta EE-16 liuhusi konvokatóriu reuniaun plenária estraordinária, tersa (27/70), tanba haree ba situasaun surtu covid-19 no variante delta ne'ebé sai preokupasaun ba mundu inklui Timor-Leste.

Ho ida ne'e, estensaun EE ne'e parsialmente halo suspensaun (bandu) direitu sira hanesan, sirkulasaun internasionál, liberdade sirkulasaun no fixasaun rezidénsia, direitu reuniaun no manifestasaun, liberdade ba kultu, direitu ba edukasaun no direitu propriedade, direitu ba rezisténsia, no inisiativa ekonómika privada.

Hafoin anunsia rezultadu, Prezidente Parlamentu Nasional, Aniceto Longuinhos Guteres Lopez hatete, maske rezolusaun ba autorizasaun Prezidente Repúblika aprova ona, maibé tuir lei kona-ba rejime estadu sítiu ka Estadu Emerjensia bainhira desizaun ne'e Komisaun Permanente nian entaun plenária tenke halo diskusaun kona-ba konfirmasaun ba desizaun.

“Rezultadu husi aprovasaun ne'e hetan votus afavor 18, kontra 0 no abstéinsaun 13”, dehan nia iha plenária PN, tersa (27/07).

Governu ne’ebé hato’o pedidu estensaun estadu emerjénsia haree ba evolusaun preokupante ba situasaun epidemiolójika no proliferasaun kazu rejistadu ho COVID-19 ne’ebé aumenta iha nível rejionál no nível mundiál.

Tuir dadus husi Organizasaun Mundiál Saúde (OMS), iha loron 23 jullu 2021, infesaun SARs-Cov-2 mundialmente rejista kazu konfirmadu hamutuk 192.242.207 no hamate ona ema hamutuk 4.136.518 tanba moras ne’e. Nune’e mós iha nasaun Indonézia, rejista kazu infesaun SARs-CoV-2 hamutuk 3.082.410 no hamate ema 80.598.

Númeru infesaun ho variante Delta husi loron ba loron desde fulan-juñu númeru kazu sae maka’as tebes. Iha Provínsia Nusa Tenggara Timur (NTT) ho kazu infesaun hamutuk 33.456 no hamate ema 669.

Desde fulan-marsu 2020 to’o 26 jullu 2021, Timor-Leste rejista kazu konfirmadu ho SARS CoV-2 hamutuk 10.348, kazu ativu 695 no hamate ema na’in-26.

Entretantu Pedidu Prezidente Repúblika (PR) ne'e bazeia ba alinea G, artigu 85, konjuga ho artigu, 25, iha konstituisaun Repúblika, nomos artigu 6, númeru 1, 9, 11, 15, to'o númeru 27, aleinde lei numeru 3/2008, 22 fevereiru kona-ba rejime estadu sítiu no Estadu Emerjénsia, renovasaun deklarasaun estadu Emerjensia, ba teritoriu nasional, ne'ebe fundamenta no subsisteésia situasaun kalamidade públiku.

Deklarasaun EE ba dala-16 sei hahú vigor iha tuku 00:00, domingu, 1 fulan-agustu, to'o tuku 23:59 segunda, 30 agustu 2021. (*)

Tempotimor (Dili)-Bankada Parlamentar Partidu Demokrátiku (PD), Frente Mudansa (FM) no bankada Uniaun Demokratiku Timorense (UDT) kritika governu laiha ulun, tanba Primeiru Ministru (PM), Taur Matan Ruak, ne’ebé aujente debate renovassun Estadu Emerjénsia (EE) ba dá-la-16 iha Parlamentu Nasionál.

Tempotimor (Dili)-Membru Komisaun Permanente husi bankada CNRT, deputada Maria Fernanda Lay, dúvida ho desizaun meza Parlamentu Nasionál (PN) ne’ebé aplika plenária semanal.

Tempotimor (Dili)-Bankada Congresso Nacional de Reconstrução de Timor (CNRT) iha Parlamentu Nasionál (PN) lakoi governu utiliza variante Corona-Delta hodi estende estadu emerjensia (EE) no Serka Sanitariu inklui Konfinamentu Domisiliáriu Jerál iha Timor-Leste.

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur, husu ba sidadaun hothotu atu kumpri orden estadu hodi evita Variante Corona-Delta ne'ebé mosu ona iha nasaun Indonézia.

Tempotimor (Dili)-Parlamentu Nasionál (PN) deside aprova pedidu renovasaun Estadu Emerjénsia (EE) ba dala-15, iha loron kuarta (30/06) ba loron tolunulu.

Tempotimor (Dili)-Ministru Asuntu Parlamentar no Komunimasaun Sosiál (MAPKomS), Francisco Martins Jerónimo hatete, Governu Timor-Leste dadaun ne’e kontinua husu atu estende estensaun Estadu Emerjénsia (EE), tanba seidauk livre husi situasaun pandemia covid-19.

Tempotimor (Dili)-Governu liuhusi reiuniaun Konsellu Ministru (KM) nian iha loron 23 fulan-juñu tinan 2021 delibera ona atu propoin ba Prezidente Repúblika (PR), Francisco Guterres ‘Lú Olo’, atu renova estadu emerjénsiaba dala-15.

Tempotimor (Dili)-Prezidente Tribunál Rekursu (TR), Deolindo dos Santos hatete, durante aplikasaun estadu emerjénsia ne’ebé hamosu Serka Sanitáriu (SS) ho Konfinamentu Obrigatáriu (KO) servisu tribunál rekursu ladún funsiona di'ak.

Tempotimor (Dili)- Diretór Operasaun Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA,IP), Gabriel da Costa hatete, kompaña sira ne’ebé espekula folin sasán iha tempu Estadu Emerjénsia (EE) sei multa osan to’o montnate rihun US$30.