Login to your account

Username *
Password *
Remember Me

Asalta Pesoál Seguransa Na'in-2, PNSIK Detein Suspeitu iha Sela

Portavóz PNTL, Superintendente, Arnaldo de Araújo, hamutuk ho investigadór PNSIK nian, hala’o konferénsia Imprénsa hodi relata insidénte ida iha área Fornmoza, Suku Gricenfor, Postu Administrativu Na’in-Feto, tersa (17/08). Portavóz PNTL, Superintendente, Arnaldo de Araújo, hamutuk ho investigadór PNSIK nian, hala’o konferénsia Imprénsa hodi relata insidénte ida iha área Fornmoza, Suku Gricenfor, Postu Administrativu Na’in-Feto, tersa (17/08). Foto Tempo Timor

Tempotimor (Dili)-Polísia Nasionál Timor-Leste (PNTL) liuhusi Polisia Nasional Servisu Investigasaun Kriminál (PNSIK) detein ona suspeitu ho inisiál SJ iha sela detensaun Komandu Jerál PNTL Kaikoli, tanba asalta membru seguransa na'in rua iha área Formoza, Suku Gricenfor, Postu Administrativu Nain-Feto, Munisípiu Dili.

Vítima na'in-rua ne'e, ida mak Natalino Soares, servisu iha informasaun Polísia Militár, maibé hetan kanek iha kotuk laran, no vítima Manuel Tilman Martins, servisu nu'udár Guarda Prizional iha Prizaun Bekora, kanek iha hasan sorin loos.

“Agora dadauk PNSIK halo hela detensaun iha fraglante-de-litu ba suspeitu na'in-rua, ho NUC 0180/21 PNSIK, hodi hein aprezenta ba Tribunál Distrirál de Dili, hodi submete ba prosesu primeiru interrogatóriu, antes 72 oras”, informa Portavóz Komandu Jerál PNTL, Superintendente, Arnaldo de Araújo, iha Kaikoli, tersa (17/08).

Insidente ne'e, mosu iha loron domingu (15/08), maizumenus tuku 02:55 madrugada, iha área Formoza, Suku Gricenfor, Postu Administrativu Na'in Feto, Munisípiu Dili.

Durante insidente, suspeitu AM atu halai subar-an, maibé tanba hetan apoia husi juventude sira balu ne'ebé partisipa mós iha eventu refere, hodi kaer kedas, enkuantu ho inisiál SJ, konsege halai husi lokál krime no konsege kaptura filafali iha área Palásiu Governu nia oin.

“Suspeitu ho inisiál SJ, mós deskonfia antes ne'e, asalta uluk ona vítima Guerson Yang, nu'udár membru PNTL, servisu iha UPF (Unidade Patrullamentu Fronteira) iha área Timor Top Metiaut, Postu Administrativu Cristo Rei, Munisípiu Dili, ne'ebé mak akontese iha 18 de Jullu 2021, ho NUC 0158/21, no suspeitu refere komete mós kazu violasaun seksual númeru NUC 0447/18”, hatete nia. (*)

Rate this item
(0 votes)
Last modified on Tuesday, 17 August 2021 15:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter