Login to your account

Username *
Password *
Remember Me

KAK Halo Buska Aprensaun ba Arguidu Na’in-Haat

Ekipa Investigasaun Komisaun Anti Korrupsaun (KAK) revista hela dokumentu iha arguidu sira-nia fatin. . Ekipa Investigasaun Komisaun Anti Korrupsaun (KAK) revista hela dokumentu iha arguidu sira-nia fatin. . Foto Suplay

Tempotimor (Díli)-Komisaun Anti Korrupsaun (KAK) ezekuta mandadu Tribunál Distritál Dili hodi halo buska apreensaun no detensuan ba arguidu na’in-haat hanesan na’in ba Kompaña Rane Autoridade Motor's, Lda no Kompaña 3D Life Sciencia Timor Lda, tanba durante tinan sia nia laran la selu taxa ba estadu.

Nune’e, KAK ezekuta mandadu Nu. 0024/21. PGGCC ne'ebé asina husi Juis Direitu Ersilia de Jesus.

Diretór Diresaun Investigasun Kriminál, Emilio Quintas hatete, buska apreensaun no detensaun na’in-4 ne'ebé mak sai na’in ba kompaña Rane Autoridade Motor's, Lda no Kompaña 3D Life Sciencia Timor, Lda ne'ebé manán projetu Suplay ekipamentu saúde no ai-moruk ba Ministériu Saúde no Rejiaun Administrativa Espesiál Oekussi Ambeno maibé durante ne'e la selu taxa husi tinan 2012 to'o tinan 2020.

“Ohin dia 17 de Augusto KAK husi Diresaun Investigasaun  Kriminál ezekuta mandadu husi tribunál nian hodi halo buska aprensaun no detensaun ba Arguidu na’in-haat, na’in ba kompaña rua, kompaña ne'e konteudu husi buska aprendesaun no detensaun ne'e iha relasaun ba kompaña ne'ebé selu taxa ba estadu hahú tinan 2012 até 2020”,  dehan nia iha Fatuhada, tersa (17/08).

Iha evidénsia lubuk ida mak ekipa investigasaun rekolla relasiona ho servisu Suplay ekipamentu no ai-moruk ba RAEOA no Ministériu Saúde.

“Tanba kazu ne'e ami investigativu hela depois de progresaun kazu ne'e ami foin deskobre katak kompaña ne'ebé sai hela kazu ami investiga ne'e sé la selu taxa entaun ami halo promosaun, ida kaer kazu ne'e ba juiz halo mandadu mai ohin loron ami ezekuta ne'e, no iha evidénsia mak kolega sira haree la'o akompaña hela dokumentu lubuk ida dokumentu ne'ebé iha lubuk ida kona-ba projetu durante ne'e rua ne'e manán liliu iha Ministériu Saúde”, informa nia.

Tuir informasaun ne'ebé asesu iha pájina Ofisiál KAK katak, kazu ne’e rasik investigadór KAK mak akompaña no halo investigasaun. Iha prosesu investigasaun ne’e revela indisus krimi forte hodi investigadór KAK sira halo promosaun ba prokuradór titular iha Ministériu Públiku no promove ba juiz Tribunál Distritál Dili hodi hatun mandadu no KAK ezekuta iha loron ne’e.

Ekipa investigadór KAK servisu hamutuk ho Polísia Nasionál Investigasaun Kriminál (PNSIK) kaptura no lori arguidu sira mai iha edifísiu KAK Farol. KAK sei detein sira durante 72 oras molok aprezenta ba tribunál hodi tuir primeiru integrogatóriu.

Suspeitu estranjeiru mane na’in-rua ne’e ida doutór ne’ebé uluk servisu iha ospitál no ida seluk emprezáriu ho nasionalidade Srilanka maibé kaben ho suspeitu feto Timoroan seluk. Suspeitu feto seluk nu’udar emprezáriu joven no universitária ida estuda iha ICS-Komoro Dili.

Rezultadu servisu sekreta KAK nian iha terenu revela katak kompaña sira ne’ebé suspeitu na’in-4, na’in ba kontinua manán projetu iha Ministériu Saúde no iha RAEOA maske kompaña ninian divida invalid (mate) ona.

“Depende ba dokumentu sira ne’ebé ohin ami buska no prende ne’e relasaun maka’as liu ba iha Ministériu Saúde no iha RAEOA. Liliu (fornesimentu) ekipamentu saúde no ai-moruk”, informa nia. (*)

Rate this item
(0 votes)
Last modified on Wednesday, 18 August 2021 07:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter