“Kazu afetadu husi Komunidade iha Aileu liga ho sidade universitáriu, kazu kaikoli komunidade afetadu ne'ebé mak liga ho edifísiu PNTL foun, kazu arte moris ne'ebé mak governu ameasa atu hasai sira, kazu aeroportu Nikolau Lobato mós hanesan, nune'e omunidade laran susar bainhira governu laiha klareza, governu hasai sira laiha tratamentu, bainhira atividade konstrusaun ne'e la'o duni”, dehan nia hafoin sorumutu ho Prezidente Repúblika iha Palásiu Prezidensiál Bairopite, kinta (29/07).

Tanba iha prátika dezenvolvimentu ne'ebé mak la'o iha Timor, la tuir prinsipiu ne'ebé mak Timor-Leste rasik produz lei, liliu liga ho lei espotizasaun liga ho desenvolvimentu, bainhira bainhira hasai ema nomós liga ho Rede ba rai ne'ebé mak Prezidente Repúblika promulga duni ba asuntu ne’e.

"Prekupasaun ne'ebé mak ohin ami hato'o ba Prezidente fó vontade di'ak, PR mós komprende liu juridiku nian, tanba PR nu’udar aman ba nasaun maibé nu’udar mós iha kapasidade atu dekretu lei”, dehan nia.

Hatan ba preokupasaun ne'e, Prezidente Repúblika, Francisco Guterres ‘Lú Olo’ hatete, nia rasik sei hato'o ba parte kompetente sira no Primeiru Ministru, Taur Matan Ruak kona-ba komunidade nia prekupasaun hirak ne'e.

Tanba iha kazu barak loos governu uza ninia polítika dudu ses prosedimentu no lei oinsá atu avansa ho sira-nia planu dezenvolvimentu.

Iha fatin hanesan, representante komunidade afetadu Areoportu Komoro, Natalino Fernandes hatete, planu governu ba konstrusaun refere afeta ba komunidade 130.

"Komunidade 130 afetadu, 57 afetadus hela ho dúvida, siknifika governu agora ba taka matan husi 130 rai ne'e, 57 ne'e sira tau disputa ho estadu maibé iha koluna observasaun husik mamuk hela", dehan nia. (*)