Advogadu Manuel Tilman Defende Prezidente ANC to’o “Ameasa” Média

Advogadu privadu Manuel Tilman ne'ebé la'o hamutuk ho nia kliente Prezidenti Autoridade Naisonal Comunicação (ANC) ho inisiál JOF hafoin TDD adia Julgamentu ba Primeiru Interrogatoriu iha TDD, Sabado (28/11) Advogadu privadu Manuel Tilman ne'ebé la'o hamutuk ho nia kliente Prezidenti Autoridade Naisonal Comunicação (ANC) ho inisiál JOF hafoin TDD adia Julgamentu ba Primeiru Interrogatoriu iha TDD, Sabado (28/11) Foto Tempo Timor

Tempotimor (Dili)- Advogadu privadu Manuel Tilman ne'ebé mak defende Prezidenti Autoridade Naisonal Comunicação (ANC) ho inisiál JOF lakohi atu ninia kliente tama kadeia.

Tilman defende ninia kliente to’o hakilar iha Tribunál Distritát Dili (TDD) hodi fó sala ba média tanba konsidera ninia kliente hetan detensaun tanba média mak kontribui iha publikasaun.

Atu dehan katak, julgamentu primeiru interrogatóriu ba arguidu Prezidenti ANC ne'e remata ho barullu iha área TDD, maski seidauk iha rezultadu.

Tuir observasaun www.tempotimor.com nota katak, TDD hahú julgamentu ba arguidu Prezidenti ANC iha oras 18:00 otl to’o remata oras 20 : 20 otl ne’ebé akompñaa husi kaben, família inklui kolega servisu ne'ebé hein iha aredores TDD nian.

Hafoin julgamentu, arguidu JOF hakat sai husi sala julgamentu no akompña husi advogadu privadu Manuel Tilman ne'ebé ko’alia ho lian makaas atu labele halo entervista ho Jornalista sira.

Tilman konsidera Média mak sai fatór ne'ebé lori arguidu JOF hetan buska no kapturasaun husi PNTL Servisu Investigasaun Kriminal (SIK) relasiona ho atividade internet ilegal iha Timor-Leste.

"Ha’u dehan ba imi, kuidadu lalika ko’alia tun sa’e, kona-ba intervista iha GMN tv ne'e mak hodi hakoi nia ne'e," Tilman dehan iha TDD, Sábadu (28/11).

Tilman mós ko’alia makaas hodi fó esperansa ba família husi JOF katak, kliente ne’e sei la tama kadeia.

"Agora ha’u hakarak hateten de’it ba imi, buatamak na’in rua iha tiha ona kadeia, ha’u lakohi atu hau nia kliente ne’e ba kadeia," Tilman dehan.

Nune'e, Familia husi arguidu JOF rasik balun halai ba hakuak advogadu Tilman hodi tau fiar tomak ba advogadu ne’e durante prosesu julgamentu.

Arguidu JOF rasik hetan korajem no hakuak husi familia no kolega sira antes fahe malu iha aredores TDD.

"Pai, ida ne'e mak ha’u hakarak," arguidu nia kaben Fen hateten ba Tilman.

Julgamentu ba Prezidenti ANC rasik adia ba aban Domingu (29/11) ne'ebé sei hahú iha TDD Oras 14:00 otl.

Prosesu julgamentu ne’e prezide husi juiza, Ercila da Costa, Ministéiru Públiku reprezenta hosi prokuradór Matias Soares no arguidu sira hetan asisténsia legál hosi advogadu privadu Manuel Tilman. (*)

 

PUBLISIDADE

Rate this item
(1 Vote)
Last modified on Saturday, 28 November 2020 22:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks