“Iha tempu Covid19 atividade hotu hotu paradu ami enkontru ho konsellu Ministru liuhusi Zoom, ita la haree oin, balun dalaruma hán hela, dalaruma tanba balun liña monu, internet la funsiona, ita-nia oan sira eskola iha uma internet la funsiona e uma das mais lentas do mundu”, hatete PM Taur iha Jornada Orsamentá tinan fiskál 2022 iha Ministériu Finansas, Aitarak Laran, tersa (29/06).
Tanba ne’e problema ida ba Timor-Leste oinsá adaptan-an ba dezenvolvimentu atualidade, bainhira iha internet la neneik. Nune’e mós iha fatin balun internet iha maibé susar tu asesu ba liña eletrisidade.
Antes ne'e Ministru Transporte Komunikasaun, Agostinho da Silva hatete, internet lenuk sei hasa'e ba Gigabyte (GB) ida.
“Ita-nia internet lenuk tanba ita uza 200 megabyte de'it, tanba ne'e ha'u dehan ona ba Autoridade Nasional Komunikasaun (ANC) oinsá mak atu hasa'e tan ita-nia frekuénsia volume husi 200 megabyte sa'e ba megabyte 1 mak rede ne'e ema uza barak sei afeta nafatin, no solusaun di'ak mak aumenta frekuénsia. Ida ne’e solusaun temporáriu no provizóriu hodi hein ita-nia prosesu normál maibé prosesu ne'e la'o hela”, dehan nia. (*)
