Login to your account

Username *
Password *
Remember Me

MJ Orienta DJTP Aselera Despaisu ba Rai Markoni

Ministru Justisa (MJ), Tiago Amaral Sarmento. Ministru Justisa (MJ), Tiago Amaral Sarmento. Foto Suplay

Tempotimor (Dili)-Ministru Justisa (MJ), Tiago Amaral Sarmento orienta ona Diretor Jerál Terras e Propriedades (DJTP) no Diresaun Nasional Assesoria Jurídika (DNAJ) atu aselera prosesu despaisu ida kona-ba despezu administrativu ba rai estadu iha area Markoni, suku Fatuhada, Postu administrativu Don Aleixo, Munisipiu Dili, tanba Kompaña la kumpre notifikasaun hodi kontinua halo konstrusaun.

"Disputa Rai Marconi, ida-ne'e husu ba Diretor Jeral Terras e Propriedades no Diresaun Nasional Assesoria Jurídika (DNAJL) atu finaliza despaisu ida, nune’e iha tempu badak Ministériu Justisa ho parte kompetetente tun kedas hodi halo despezu Administrativu ba fatin refere," haktuir komunikadu imprensa ne'ebe www.tempotimor.com asesu iha pajina ofisial Ministru Justisa, segunda (19/09).

Tanba, notifikasaun ne'ebe Diretór Jerál Diresaun Terras e Propriedades hasai ba públiku katak, hamamuk rai iha Markoni no labele halo konstrusaun iha fatin refere, maibé kompaña kontinua halo.

Rai Markoni ne'e Estadu nian, tanba durante halo hela arrendamentu ho arrendatariu balun, ne’ebe hahu kedas husi Juñu 2017 ate Maiu tinan 2022.

Maibé, infelizmente kontratu arrendamnetu refere tama mós iha kompania 85 ne’ebé la kumpri sira nia dever hodi selu kontratu arrendamnetu, nune’e sira mós iha dívida kuaze $36.000 resin. 

Tanba ne'e, Ministru Justisa mós sei hatama partisipasaun ba Ministeriu Públiku ba arrendatariu hirak ne’ebé la kumpri dever, inklui terrenu ne’ebé sai polemika dadaun iha Marconi.

Ministru Justisa Tiago Amaral Sarmento mós simu audénsia ho komunidade inklui Rede ba Rai, ne’ebé preokupa ho kazu iha Markoni ne’ebé utiliza husi kompañia internasional balun.

Maibé, tuir Ministru Justisa katak, rai refere partense ba rai estadu nian no prosesu konstrusaun iha terrenu sein autorizasaun husi Ministru Justisa no Ministériu Obras Publika, tanba ne'e konsidera rai refere serve ba haríi espasu públiku.

Ministériu Justisa mós husu hela ba Diresaun Jeral Terras e Propriedades nomós Diresaun Jeral Rejistu Notariadu atu bele halo preparasaun ba atribuisaun sertifikadu títulu na'in ba rai, iha selebrasaun loron Proklamasaun Independensia 28 Novembru, iha Rejiaun Espesial Oecusse-Ambeno.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter