Tempotimor (Dili)-Ministru Justisa (MJ), Tiago Amaral Sarmento husu Polísia Sientífika no Investigasaun Kriminál (PSIK) atu aselera ezame DNA ba restu mortais nia ruin hamutuk kontentór-4 ne'ebé dadaun iha hela Ospitál Nasionál Guidu Valadares (HNGV).

"Mate restu sira nia ruin ne'ebé dadaun rai hela iha kontetór 4 iha Mortuáriu Hospitál Nasionál Guidu Valadares ne'e presiza halo ezame DNA, ha'u hanoin iha propozitu ida-ne'e ami bele asina lalais memorandu ho Ministériu Saúde, hodi hahú servisu, atu atende mate restu ne'ebe hein hela ezame DNA, nune'e bele hetan loloos sira-nia identidade", dehan nia hafoin simu apoiu ekipamentu DNA husi Repúblika Populár China iha edifisiu MJ, kaikoli, segunda (12/12).

Tanba, apoiu doasaun kona-ba ekipamentu DNA ne'ebe ohin segunda (12/12) atribui ba Polísia Sientifika Investigasaun Kriminál (PSIK) ne'e bazeia ba akordu ne'ebé selebra entre governu Timor-Leste ho repúblika populár china iha loron 19 Outubru 2018.

Nune'e, liuhusi akordu ne'e, konsege fo biban hodi ikus mai governu ho povu China fó ekipamentu DNA ba Timor-Leste.

Tanba ne’e, Ministériu Justisa hakarak hato'o agradesimentu boot ba governu no povu China ne'ebé fo apoiu ba Timor-Leste liuhusi Embaixador Repúblika Popular Xina iha Timor-Leste.

"Ho apoiu ne'ebé fo ba PSIK hodi kompleta sira-nia laboratóriu ho ekipamentu ne'ebé presiza hodi hala'o jestaun no konfiansa ne'ebe fo ba orgaun polísia kriminal ninian", afirma nia.

Hein katak, Timor-Leste sei nafatin halo kooperasaun ho parseiru sira hodi haree ba futuru ho komprimisu depozita iha kompeténsia téknika sira husi profesionál ne'ebé hala'o kna'ar ho PSIK, komesa sertifika no sei forte ba Timor-Leste ne'ebé modernu.

"Oferta ekipmantu DNA ba PSIK importante hodi utiliza ba ezame DNA atu ajuda kazu Forensik relabora tenke iha prosesu kontestu kriminal ninian, servisu no dezafiu barbarak iha hela ita-boot sira-nia oin, hanesan hodi halo urjenti ezame DNA ba mate restu kompatriota ne'ebé mate durante okupasaun indonezia iha ita-nia rai", nia esplika. (*)

Tempotimor (Dili)-Iha tempu badak, Ministériu Justisa (MJ) liuhusi Diresaun Gabinete Inspensaun Auditória homutuk ho autoridade seguransa sei ba sobu sai moru kalen ne'ebé kompaña halo haleu ba rai mamuk iha área tasi-ibun Markoni, Suku Fatuhada, Postu Administrativu Dom Alexo, Munisípiu Dili, tanba konsidera rai ne'e estadu.

Tempotimor (Dili)-Ministru Justisa (MJ), Tiago Amaral Sarmento orienta ona Diretor Jerál Terras e Propriedades (DJTP) no Diresaun Nasional Assesoria Jurídika (DNAJ) atu aselera prosesu despaisu ida kona-ba despezu administrativu ba rai estadu iha area Markoni, suku Fatuhada, Postu administrativu Don Aleixo, Munisipiu Dili, tanba Kompaña la kumpre notifikasaun hodi kontinua halo konstrusaun.

Tempotimor (Baukau)-Ministru Justisa (MJ), Tiago Amaral Sarmento fó orientasaun ba Diretór sira husi Diresaun Nasionál Terras Propriedade (DNTP) iha teritóriu nasionál atu regulariza arendamentu uma no rai estadu hodi hatama reseita ba kofre estadu.