“Kona-ba prosesu kazu karreta nian ne’e iha prosesu nia laran kazu rejista ona iha Ministériu Públiku ne’ebé ita hein de’it nia prosesu ikus mai ne’e ita haree nia rezultadu”, dehan José Neto Mok ba jornalista sira iha Salaun Sentru Formasaun Polísia, Komoro, kinta (09/06).

Ba kompaña hira mak envolve iha kazu importasaun karreta ne’ebé servisu hanesan broker, Komandante la temi nia númeru maibé kazu refere lori ona ba Ministériu Públiku no hein prosesu kontinuasaun.

“Ami-nia membru sira halo ona ema hodi ba rejista iha Ministériu públiku”, haktuir nia.

Iha loron kuarta (08/06), Serbisu Investigasaun Kriminál Nasionál ofisialmente dada police line ba karreta sira ne’ebé mak importa tama iha Portu-Dili ho totál 200-resin.

“Totál karreta ha’u la lembra maibé iha karreta haat mak iha kuartel jerál maibé iha Alfándega enkuantu horseik (08/06) sira dada ona fita purvolta 200 resin”, afirma nia. (*)