Login to your account

Username *
Password *
Remember Me

CPD-RDTL Halo Manifestasaun Kontra Desizaun Tribunál

Bandeira CPD-RDTL. Bandeira CPD-RDTL. Foto Suplay

Tempotimor (Dili)-Organizasaun Masa Concelho Populár De Defesa-Republica Democrático Timor-Leste (CPD-RDTL), iha loron kinta (02/06), halo Manifestasaun kontra desizaun Tribunál kona-ba rai iha aldeia Aimeti-Laran, Suku Komoro, Postu Administrativu Dom Aleixo, Munisípiu Dili.

Komandante PNTL Munisípiu Dili, Superintendente Xefe Henrique da Costa hatete, grupu CPD-RDTL hato’o pedidu ba Komandante Jerál PNTL, Komisáriu Faustino da Costa husu autorizasaun hodi halo manisetasaun ida hasoru orgaun estadu balun.

 “Los duni iha loron 27 fulan maiu 2022, iha ekipa ida ne’ebé organiza manifestasaun ne’e sira halo pedidu kuñesimentu ba iha komandante Jerál PNTL Komisáriu Faustino da Costa, hafoin hatun despaixu ne’e ba iha komandu Operasaun nasionál hasai orden ba komandu PNTL Munisípiu Dili iha loron 01 junu, ita fó autorizasaun ba grupu ne’e halo manifestasaun, ita fó seguransa ba sira”, dehan Henrique ba Jornalista sira iha Kna’ar Fatin PNTL, Kaikoli, kinta (02/06).

Iha pedidu autorizasaun ba grupu halo manifestasuan ne’e ba loron ida de’it, maibé liu ida ne’e PNTL sei kordena ho sira nafatin fó seguransa ba sidadaun sira ne’e hodi bele hala’o sira-nia atividade.

“Manifestasaun ne’ebé mak sira halo ne’e ba loron ohin de’it, maibé liu ida ne’e ita sei kordena ho sira para bele kumpri ba karta, tanba ne’e ita haruka ona ekipa forsa rezerva no patrollamentu polísia Eskuadra Aimutin no Servisu Informasaun Polísia sira halo seguransa ba grupu ne’ebé halo manifestasaun iha Aldeia Aimeti-Laran, Suku Komoro, Postu Administrativu Dom Aleixo, Munisípiu Dili”, hatete nia.

Ba grupu sira ne’e mai husi munisípiu sira mak konsentra área Aimeti-laran besik rihun-ida-resin, kompostu husi mane no feto ne’ebé sei partisipa manifestasaun pasivu sira halo ne’e la di’ak, tanba PNTL fó seguransa másimu.

“Grupu ne’e besik rihun-ida-resin mak konsentra iha área Aimeti-Laran halo manifestasaun, tanba ne’e ekipa ida ba hato’o petisaun ba Prezidente Repúblika (PR), José Ramos Horta no Tribunál Rekursu, tanba sira la satisfas ba desizaun husi orgaun balu ligadu ho rai”, afirma nia.

Tanba iha karta petisaun ne’ebé mak grupu ne’e hato’o ba Prezidente Repúblika no Tribunál Rekursu, sira laiha kuiñesimentu ba parte PNTL, hafoin ne’e PNTL bolu kedas ekipa komisaun organizadora halo komfirmasaun ikus mai sira rasik husu deskupa ba PNTL.

“Tuir karta pedidu ne’ebé mak grupu manifestante sira husu ba PNTL loron ida de’it, maibé liu ida ne’e ita sei kontinua akompañ halo seguransa ba sira-nia atvidade”, katak nia.

Manifestasaun ne’e kona-ba saida grupu ne’e mak sei hatene, PNTL halo de’it seguransa, maibé tuir buat ne’e mak iha grupu sira ne’e haree iha buat balun sira la satisfas ho desizaun orgaun estadu balun sira halo manifestasaun.

Nune’e grupu sira ne’e hakarak halo manifestasaun atu hato’o sira-nia ezijensia ba orgaun Estadu ida ne’ebé mak foti desizaun laiha neutralidade iha atendimentu nian.

Iha karta pedidu, grupu ne’e sei konsentra de’it iha Aldeia Aimeti Laran no ba fatin seluk PNTL sei la autoriza sira, tanba atividade lisensa ne’e halo de’it iha aldeia Aituri-Laran.

Haree ba karta pedidu ne’e klaru grupu ne’e la mesiona reprezenta grupu ida nia naran, maibe sira tau de’it hanesan sidadaun la satisfas ho desizaun balun husi orgaun estadu balun, tanba ne’e pedidu manifestasun ba loron ida de’it, bainhira liu ida ne’e parte PNTL kontinua halo koordenasaun ho ekipa organizadór hodi halo seguransa nafatin ba sira, nune’e labele iha problema seluk akontese.

Tanba sidadaun hotu iha direitu atu halo manifestasaun tuir lei ne’ebé temi ona iha konstituisaun RDTL, maibé PNTL mós iha dever atu hapara sira halo manifestasaun bainhira sira la kumpri regra ne’ebé mak iha.

“Ha’u husu ba komisaun organizadora sira para kontrola membru no apoiante sira atu hametin pas bainhira hala’o sira-nia atividade ne’e la’o di’ak, maibé akontese anarkizmu ruma parte PNTL sei foti medidas halo atuasaun hasoru grupu ne’e”, haktenik nia.

Komandante Operasaun Nasionál PNTL, Superintendente Xefe Pedro Belo hatete, Grupu husi CPD-RDTL mak konsentra iha área Aimeti-Laran husu lisensa ba PNTL atu halo manifestasaun.

“Grupu ne’e mak konsentra iha Aldeia Aimeti-Laran ne’e iha karta medidu husu linsa ba ita autoridade seguransa PNTL, agora dadaun ne’e ita-nia parte komandu PNTL Munisípiu Dili iha hela tereinu halo seguransa ba ita-nia sidadaun sira”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter