Portavoz Polísia Nasionál Timor Leste (PNTL), Superintende Xefe, Armando Monteiro hatete, iha loron kuarta (01/06) PNTL no alfándega halo kontrolu atividade merkadória konsege kontrolu no EZ nia família rasik ne’ebé servisu iha Irlándia ne’ebé haruka tama mai iha Timor-Leste liuhusi marrítima.
“Servisu alfándega iha loron ida fulan-juñu loron rua liuba, PNTL halo kontrolu ba atividade merkadória liuhusi Maritima deskonfia sasán ne’ebé mak presiza tau atensaun husi autoridade alfándega no Polísia Nasionál Timor-Leste liuhusi servísu investigasaun kriminál halo kontrolu no ezamimiasaun liuhusi X-trai katak materiál ida ne’e presiza tau atensaun hodi nune’e labele sirkula hodi afeita ba ita-nia sidadaun sira liliu iha nasaun Timor-Leste”, dehan Portavoz PNTL, Armando Monteiro ba jornalista sira iha Komandu Jerál PNTL, Kaikoli, sesta (03/06).
Hafoin kontrolu SIKN no alfándega konsege kaptura Suspeitu ADCA ne’ebé simu droga hirak ne’ebé mak haruka husi nia família husi estranjeiru.
“Hafoin kontrolu ba sasán ne’ebé mak deskonfia no lakleur ita mós identifika sasán na'in ne'ebé mak atu foti sasán ida ne’e no iha momentu ida ne'e kedas ita-nia servisu investigasaun kriminál no alfándega hamutuk halo kapturasaun ba sidadaun ida ne’ebé mak na’in sasán ida ne'e liuhusi pakote ida husi estranjeiru”, dehan nia.
Sasán ida ne’e nia kuantidade sei prosesu ezaminasaun, sasán sira mak viveirus marjuana musan madan husi Suspeitu ninia família rasik ne’ebé mak serbisu iha estranjeiru haruka mai no Suspeitu rasik mak ba simu sasán ida ne’e no tuir oráriu depois minutu balun nia laran serbisu investigasaun kriminál sei aprezenta ba parte Justisa hodi submete ba primeiru interrigatóriu iha Tribunál Distritál Dili.
Droga Viveirus Marjuana musan agora dadaun asegura hela iha PNTL liliu SIKN nia liman. (*)