“Iha anti projetu ida iha ne'e ko'alia kona-ba lei da radio Difussão e Telivizivel Timor-Leste ninian, purtantu ohin ita rona husi parte Governu, ho parte orgaun komunikasun sosiál sira”, dehan Prezidente Komisaun A, Joaquim dos Santos iha PN, kinta (24/03).
Durante diskusaun, maioria konkorda atu regula situasaun ida ne'e, tanba durante tinan 20 ona, radiu barak mak moris no televizaun ne'ebé rejistu ona hamutuk haat ka lima.
“Ita sei diskute iha lei ne'e entermu de prinsípiu bazeia ba konstituisaun kona-ba imprensa ninian, kona-ba komunikasaun sosiál, no diretu ba informasaunn sira, ne'e mak ita diskute”, hatete nia.
Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo hatete, nu’udar reprezentante Governu daualu nian iha Parlamentu Nasionál, halo audénsia ho Komisaun A atubele fó opiniun relasiona ho Projetu Lei Rádiu Difuzaun no Televizivel iha Timor-Leste.
"Di'ak, ohin Governu mai iha ne'e, halo audénsia ho komisaun A kona-ba lei Rádiu Difuzaun. Projetu lei rádiu difuzaun ne'ebé mak parlamentu prepara e sira husu Governu atu mai fó nia opiniaun”, hatete nia.
Tanba ne'e, parte Governu ho Komisaun iha audénsia ne'e ko'alia no dikuste kona-ba konteudu nomós politika oinsá mak rádiu difusaun bele sai hanesan lei ida hodi regula meiu komunikasaun sosiál hanesan rádiu no televizivel iha Timor-Leste.
Maibé parte Governu haree ba lei komunikasaun sosiál artigu 23 ne'ebé mak ko'alia mós kona-ba meiu komunikasaun sosiál hanesan rádiu komunitáriu, asosiativu, relijioza, doutrináriu.
Tanba ne'e, iha lei kona-ba rádiu difuzaun doutrináriu ne'e la mensiona tanba ne'e mak Governu mai atu esplika ba deputadu sira atu kompleta lei komunikasaun sosiál ne'ebe mak iha artigu 23, ne'ebé mak iha ne'eba atu regulariza tuir lei, tanba ida ne'e importante hotu iha projetu lei ne'e.
Entretantu iha audénsia públika ba Anti-Projetu Lei Rádiu Difuzaun husi Konisaun A ne'e, partisipa husi Ministru Asuntu Parlamentar no Komunikasau Sosiál, Sekretáriu Estadu Komunikasaun Sosiál, Prezidente Konsellu Administrasaun Rádiu Televizaun Timor-Leste, Empreza Públika (RTTL.ep), no Prezidente Konsellu Imprensa (KI), Prezidente Asosiasaun Jornalista sira, Prezidente Ajensia Notisioza Timor-Leste, ho Diretór Radiu Timor Kmanek. (*)
