Tempotimor (Dili)- Prezidente Parlamentu Nasionál (PN), Aniceto Longuinhos Guterres Lopes, preokupa ho númeru pozitivu covid-19 ne'ebé kontinua aumenta iha Timor-Leste, maibé Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, husu atu komunidade sira kumpri nafatin regra prevensaun.

"Ohin loron saúde públika sai preokupasaun boot tebes ba ita hotu no ba Estadu Timor-Leste, liliu tanba númeru kazus COVID-19 no ninia variante aumenta ba bei-beik”, dehan Aniceto Guterres, iha komemorasaun loron FALINTIL ba dala-46 iha Kuartel Jenerál, Fatuhada, sesta (20/08).

Tanba ne'e apela ba kompatriota sira, ba sidadaun timoroan no estranjeiru sira iha Timor-Leste, atu kumpre regra sanitárias prevensaun nian hanesan uza máskara, fase liman ho sabaun no distánsiamentu sosiál, atu nune'e salva ida-idak nia-an, nomós salva ema seluk.

Ba pasiénte Covid-19 iha Timor-Leste, tenke kolabora ho pesoál saúde no pesoál seluk iha liña frente hodi salva Timor-Leste husi moras Covid-19.

Maibé, Kay Rala Xanana Gusmão hatete, nia parte difísil atu dehan covid-19 ejiste iha Timor-Leste ka la'e, maibé husu nafatin ba komunidade atu uza máskara, atu-nune'e evita-an, husi Covid-19 ne'e mosu duni iha rai laran.

“Covid ita labele dehan katak laiha, iha Timor ha’u mós susar atu fiar katak iha, maibé maluk sira uza máskara ba, hanorin oan sira, imi joven sira malandru sira ne'e uza máskara ba, para evita, mosu karik”, dehan Xanana.

Tanba kazu covid-19 ne'e la'ós palodizmu, ne'ebé babain hetan, maibé ne'e mai husi liur, tanba tenke uza máskara, nune'e moras peste ne'e tama karik labele da’et ba ema.

“Covid nia problema mak ne'e, ohin ha’u hakoak tiha xefe aldeia, ha’u iha Covid, ko’alia tama husi ama nia inus, no nia pulmaun mós iha hotu, nia fila ba uma, nia hakoak nia laen, nia ko’alia buat ne'e pasa ba iha nia la’en, nia la’en ba ko’alia fali ho nia kolega sira, pasa ba kolega sira, ida ne'e mak problema boot Covid iha mundu”, esplika Xanana.

Ne'e duni atu fiar ka la fiar, hothotu tenke proteze-an nafatin hodi labele hetan, tanba ida ne'e nu’udar problema boot ne'ebé konsege hamate ona ema (tuju-juta orang) iha mundu, tanba lahatene prevene. (*)

Tempotimor (Dili)-Vise Ministru Saúde (MS), Bonifacio Mau Coli dos Reis, husu ba Polísia Nasionál Timor-Leste (PNTL) atu halo atuasaun ho rigor no impoin regra tuir protukolu Organizasaun Mundiál Saúde (OMS ) ba komunidade ne’ebé la uza máskara iha fatin públiku.

Tempotimor (Dili)-Sekretáriu Estadu ba Komunikasaun Sosiál (SEKomS), Mericio Juvinal Dos Reis ‘Akara’ hatete, Programa Vasinasaun Nasionál sai hanesan estratéjia ikus atu kombate Covid-19, tanba ne’e Governu sei enkoraja sidadaun hotu atu simu vasina.

Tempotimor (Dili)-Profesór no estudante iha Eskola Bázika Filiál (EBF) 12 Outubru, durante ne'e kontinua kumpre regra Prevenesaun Covid-19 ne'ebé fo sai husi Ministériu Saúde (MS) no Organizasaun Mundiál Saúde (OMS).

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, ofisiálmente lansa vasina doze daruak ba prevensaun surtu Covid-19 iha Munisípiu Aileu.

“Mai halo lansamentu iha Aileu kona-ba Vasinasaun Covid-19 ne'e, tanba vasinasaun ne'e importante atu prevene propagasaun virus mortal iha komunidade nia leet”, hatete Ministru Francisco Jerónimo iha Aileu, tersa(15/06).

Vasinasaun Covid-19 ne'e importante tebes tanba bele hasa'e imunidade komunidade nian, hodi prevene infesaun moras kontajioza, Nune'e komúnidade sira presiza simu vasinasaun refere.

Iha Momentu ne'e mós MAPKomS aproveita oportunidade hodi sensibiliza nafatin informasaun kona-ba importánsia husi prevensaun moras kontajioza ne'e liuhusi kooperasaun ho autoridade lokál, parte saúde no polísia Nasionál Timor-Leste (PNTL) munisípiu Aileu.

“Sensibilizasaun ne'e atu konsensializa no enkoraja komunidade atu simu vasinasaun hodi proteje-an husi vírus ne'ebé sai ona pandemia globál ne'e”, dehan Ministru Jerónimo.

Vasina segunda doze iha munisípiu Aileu ne'e, sei fó uluk prioridade ba ferik no katuas sira ho idade neennulu ba leten no sira ne'ebé iha moras komobilidade tanba parte hirak ne'e mak iha risku boot ba infesaun vírus Corona, maibé vasinasaun tuir mai sei fó ba ema hotu.

Iha fatin hanesan, Administradór Munisípiu Aileu, Abel da Conseição, apresia no agradese MAPKomS tanba hakat to'o iha sira nia fatin hodi fahe informasaun kona-ba prevensaun Covid-19 no lansa ona vasinasaun doze daruak.

“Agradese no orgullu tebes tanba bele marka ona prezensa iha ami-nia fatin hodi espalla ona informasaun balun kona-ba vasinasaun Covid-19 ba komunidade sira iha Munisípiu Aileu inklui lansa ona vasinasaun refere”, dehan Administradór Aileu. (*)

Tempotimor (Dili)-Asia Justice and Rights (AJAR) kritika governu ba implemetasaun regra serka sanitaria no konfinamentu obrigáriu, tanba husik Prezidente Partidu CNRT, Kay Rala Xanana Gusmão halibur komunidade sira iha fatin barak.