“Husu ba parte seguransa atubele halo atuasaun ho rigor tanba ita haree de'it ita-nia komunidade sira ne'e iha balun ke ladún iha konsiénsia, no sira la'o estrada la uza máskara nune'e mós iha loja sira, tanba ida ne'e mak husu ba parte seguransa atu impoin regra tuir protukolu OMS nian”, dehan Bonifacio Mau Coli, iha Ótel Novo Turizmu, Lesidere, kuarta (18/08).
Tanba dadaun ne'e Munisípiu Dili pursentu hitunolu (70%) mak vasina ona no komúnidade konsiénte katak sira livre ona husi Covid-19.
Ho ida ne’e, komunidade sira sai ba li'ur lauza máskara, tama fatin balun mós la fase liman, inklui halibur malu nafatin no laiha distansiamentu.
“Tanba agora dadaun dalaruma ema dehan 70% vasinadu ona entaun sira fiar katak livre ona husi Covid-19, nune'e sira la'o la uza máskara, la uza hand sanitizer, liliu iha merkadu sira ne'e ema sira barak mak la uza nafatin máskara, no la kumpri liu regra husi OMS”, dehan nia.
Maibé husu mós ba komunidade atu nafatin kumpri regra husi protukolu saúde sira maske vasina ona, bainhira la kumpri nafatin bele sai perigu, tanba agora númeru kazu ne'e sa’e maka’as. (*)