Tempotimor (Dili)-Bankada Opozisaun Congresso Nacionál de Reconstrução de Timor (CNRT) iha Parlamentu Nasionál (PN) krítika Governu liliu Ministériu Koordenadór Asuntu Ekonómiku (MAKE) abandona reklamante sesta báziku rihun-ruanolu-resin-neen (2.026).

Tempotimor (Díli)-Ministériu Finansas konklui ona pagamentu Sesta Bázika ho montante tokon US$63,5 ba kompaña fornesedór hamutuk 188 ne’ebé mak estabelese ona kontratu ho Ministériu Implementadór sira, kinta (09/09).

Tempotimor (Dili)-Ministériu Sidaridade Sosiál no Inkluzaun (MSSI) seidauk bele apoiu lojistika ba povu durante Konfinamentu Domesiliáriu Jerál iha Munisípiu Dili, tanba presiza estuda no observa molok foti desizaun.

Tempotimor (Dili)-Ministru Koordenadór no Asuntu Ekonómiku (MKAE), Joaquim Amaral, promete sei responde lista reklamante Sesta Bázika, tanba ne’e husu ba benefisiáriu labele preokupa.

Tempotimor (Dili)-Ministru Koordenadór Asuntu Ekonómiku (MKAE) Joaquim Amaral, hatete nia parte lakohi ko’alia kompaña fornesidór sesta bázika la kumpre kontratu, tanba Governu iha hela prosesu atu rezolve diretu reklmante sira.

Tempotimor (Dili)-Ministru Koordenadór Asuntu Ekonómiku (MKAE), Joaquim Amaral, husu ba ministériu implementadór programa Sesta Bázika (SB) ne'ebé responsável iha kada munisípiu sira atu rezolve lista reklamante hamutuk rihun 25 ne'ebé oras ne'e sei pendente atubele aselera ona distribuisaun ai-hán iha fulan-agustu tinan 2021 ne'e.

Tempotimor (Díli)-Ministru Koordenadór Asuntu Ekonómiku (MKAE), Joaquim Amaral, konsidera laiha tan ona razaun atu ema hakilar povu hamlaha iha situasaun Serka Sanitária (SS), tanba dadaun ne’e produsaun ai-hán estavele.

Tempotimor (Dili)-Ministru Koordenadór Asuntu Ekonómiku (MKAE), Joaquin Amaral deklara, kultura institusionál ezije mudansa atu adekua situasaun hanesan ezonerasaun ba Prezidente Centru Logistiku Nasionál (CLN), Agusto Junior Trindade.

Tempotimor (Dili) - Governu liuhusi Ministru Koordenador Asuntu Ekonomia (MKAE), Joaquim Amaral hatete, governu sei apoiu subsídiu ba estudantes hanesan pulsa internet inklui traballadór sira ne'ebé lakon servisu durante Estadu Emerjénsia (EE) husi Orsamentu Rektifikativu.

Tempotimor (Dili)- Implementasaun programa Cesta Bazika, Grupu Haburas Mata Dalan Koperativa (HMDK) ne'ebé ezisti iha suku Makadiki, postu-administrativu Uatulari, Munisípiu Vikeke konsidera Ministru Kordenador Asuntu Ekonómiku (MKAE) falla iha komfirmasaun ba produtu lokál.

Tanba, koperativa HMDK Uatulari ninia esforsu hodi rekolla komunidade sira nia produtu lokál fos rai sei sufisiente hela, maibe MKAE deklara fali katak, produtu fos la sufisiente ona.

Afonso dos Reis nu'udár prezidenti koperativa HMDK konsidera deklarasaun MKAE, Joaquim Amaral katak, produtu menus ne'e laloos, tanba dadauk fos rai ne'ebé Uatulari iha total kuaze 700 tonelada mak governu seidauk ba rekolla.

Nia haktuir, Grupu Haburas Matan Dalan Koperativa suku makadike rasik mos agora dadauk nafatin rekolla hela fos rai husi populasaun sira, tau iha armajen koperativa makadike nian, kuaze 300 tonelada ona.

"Ami nia produtu ne'e sei barak liu, Koperativa haburas matan dalan ne'e kuaze ami numeru tonelada ne'e ami hetan ona total 400 tonelada no sei hatama tan, ne'ebe ami kontinua enkamiña ba sesta bazika ne'e para to'o hotu,"dehan nia ba www.tempotimor.com liu-husi via telefone tersa (16/2).

Nia haktuir, mezmu prezensa Koperativa Makadike ejiste la'os hanesan kompañia, maibe hanesan nafatin esforsu rekolla fos rai husi komunidade.

"Agora fos sira ne'ebé hatama mai ne'e hada hela iha ami nia armajen, ne'ebé hanesan ministru ohin hatete katak, se kompañia hatama relatroiu ruma katak, se produtu lokal ne'e menus, hakarak atu ba kontratu fali ho (Ministériu Turizmu Komersiu Indusdustria) MTCI, maibe ami nia produtu iha ne'e sei barak,"dehan nia.

Nune'e, parte sira husu ministru presiza ba identifika produtu sira iha suku makadiki, tanba produtu sira iha ne'eba kuaze 700 tonelada mak seidauk rekolla husi populasaun.

Baihira governu la utiliza produtu fos rai ne'ebé sira prepara ba programa Cesta Bazika mak sei estraga de'it.

"Hau preokupa, kuandu governu ba taka derepente de'it maka ami nia produtu lokál ne'ebé agora dadauk preparadu ba Cesta Bazika keta la ba, ida ne'e problema ida mai ami autoridade lokál,"nia preokupa.

Tanba ne'e, husu ba Ministériu Kordenador Asuntu Ekonomiku (MKAE) presiza ba halo konfirmasaun ho parte koperativa sira oinsa mak toma atensaun ba sira nia produtu lokál.

"Karik produtu lokal sira seluk mak hotu, maibe uatulari nia produtu lokál sei barak para atu fornese ba Cesta Bazika,"dehan nia

Durante ne'e, Koperativa makadiki oferese ona fos rai ba kompañia Jacinto Lda ho total 400 tonelada, inklui enkamina mos ba Centru Logistika Nasional (CLN) ho total tonelada 100-resin.

Antes ne'e, Ministru Kordenador Asuntu Ekonomiku (MKAE), Joaquim Amaral deklra, produtu lokál fos rai la sufisiente ona, nune'e utiliza mos fos importasaun hodi distribui ba komunidade sira liu-husi programa Cesta Bazika. (*)